Nora Fatehi: પવન કલ્યાણની ફિલ્મમાં નોરા ફતેહીએ જેક્લીનને રિપ્લેસ કરી? જાણો ફિલ્મની તમામ વિગતો

અભિનેત્રી નોરા ફતેહીને પવન કલ્યાણની આગામી ફિલ્મ 'હરિ હર વીરા મલ્લુ'માં એક મહત્વના રોલ માટે લેવામાં આવી હોવાના અહેવાલ છે.

અહેવાલો અનુસાર, ક્રિશ દ્વારા દિગ્દર્શિત આગામી પીરિયડ ડ્રામામાં શાહજહાંની ત્રીજી પુત્રી અને (ઔરંગઝેબની બહેન) રોશનારા બેગમની ભૂમિકામાં નોરા ફતેહી જોવા મળશે.

આ ભૂમિકા બોલિવૂડ અભિનેત્રી જેકલીન ફર્નાન્ડીઝ ભજવવાની હતી, પરંતુ હવે તેનું સ્થાન નોરાએ લીધું છે.

એક સૂત્રએ કહ્યું કે, નોરા એક સારી ડાન્સર છે અને તેના ચહેરાના હાવભાવ પ્રભાવશાળી છે, તેથી તેને આ ભૂમિકા માટે પસંદ કરવામાં આવી છે.

ડેક્કન (દક્ષિણ) સલ્તનત ઉપર આધારાીત આ ફિલ્મમાં પવન કલ્યાણ એક યોદ્ધાનું મુખ્ય પાત્ર ભજવશે.

આ પહેલાં નોરા 'કિક 2', 'બાહુબલી', 'ટેમ્પર' અને બીજી ઘણી તેલુગુ ફિલ્મોમાં ડાન્સ નંબર કરી ચુકી છે, ટૂંક સમયમાં જ તે 'હરિ હર વીરા મલ્લુ'ની કાસ્ટ સાથે જોડાશે.