Photos : એક દિકરીની માતા આલિયા લાગી એકદમ બાર્બી ડોલ

આલિયા ભટ્ટ તાજેતરમાં બ્રાઝિલમાં ગેલ ગેડોટ સાથે એક ઈવેન્ટમાં જોવા મળી હતી. ઈવેન્ટ દરમિયાન તે પિંક ડ્રેસમાં જોવા મળી હતી. તેણે યુવતી સાથે સેલ્ફી લીધી અને પોતાને 'બાર્બી' ગણાવી.

આલિયાએ બ્રાઝિલમાં યોજાયેલા ઈવેન્ટ માટે પિંક આઉટફિટ પસંદ કર્યો હતો. બેબી પિંક શાઇની બ્રેલેટ સાથે મેચિંગ ઓવરસાઈઝ બ્લેઝર અને સ્કર્ટ પહેરેલી આલિયા બાર્બી ડોલથી ઓછી દેખાતી નહોતી.

આલિયાએ આ ડ્રેસ સાથે સિલ્વર કલરની હાર્ટ ઈયરિંગ્સ અને બ્લેક હીલ્સની જોડી બનાવી. જ્યારે તેણે બન હેરસ્ટાઇલ સાથે ખૂબ જ ક્યૂટ પોઝ આપ્યા છે.

તેની એક તસવીરમાં આલિયા ડરથી ચીસો પાડવા જેવી એક્ટિંગ કરતી જોવા મળી રહી છે, જ્યારે બીજી તસવીરમાં તે હાર્ટ શેપ બનાવીને હસતી જોવા મળી રહી છે.

આલિયાએ પોતાના ફોટા શેર કરતા ઈન્સ્ટાગ્રામ પર લખ્યું- 'આ બાર્બી જેટ લેગ્ડ છે.'

અન્ય એક તસવીરમાં આલિયા બેડ પર સૂઈ રહી છે, જ્યારે બીજી તસવીરમાં તે બેડ પર બેઠેલી કેમેરાની સામે પોઝ આપતી જોવા મળે છે.

આલિયા ટૂંક સમયમાં 'રોકી અને રાનીની લવસ્ટોરી'માં જોવા મળશે. આ ફિલ્મમાં તેની રણબીર સિંહ સાથે જયા બચ્ચન, શબાના આઝમી અને ધર્મેન્દ્ર જેવા સુપરસ્ટાર પણ જોવા મળશે.