Photos : નાની ઉંમરમાં લગ્ન અને 16 વર્ષે ડેબ્યુ કરી ટોચની અભિનેત્રી બનેલી

મૌસુમી ચેટર્જીએ પશ્ચિમ બંગાળની રાજધાની કોલકાતામાં અભ્યાસ શરૂ કર્યો હતો. માત્ર 16 વર્ષની ઉંમરે ફિલ્મી કરિયરની શરૂઆત કરનાર મૌસુમી હંમેશા એક્ટિંગને પોતાનું કરિયર બનાવવા માંગતી હતી. જોકે તેણે પોતાની ફિલ્મી કરિયરની શરૂઆત હિન્દીથી નહીં પરંતુ બંગાળી ફિલ્મો દ્વારા કરી હતી.

મૌસુમી ચેટર્જીએ વર્ષ 1967માં બંગાળી ફિલ્મ 'બાલિકા વધૂ' દ્વારા પોતાના કરિયરની શરૂઆત કરી હતી. આ ફિલ્મમાં ઉત્તમ કામ કર્યા પછી તેઓ હિન્દી ફિલ્મ ઉદ્યોગ તરફ વળ્યા અને અમિતાભ બચ્ચન અને રાજેશ ખન્નાથી લઈને સંજીવ કુમાર સુધીના ઘણા દિગ્ગજ કલાકારો સાથે સિલ્વર સ્ક્રીન શેર કરી.

મૌસુમી ચેટર્જીએ ઘણી હિટ ફિલ્મોમાં મહત્વની ભૂમિકાઓ ભજવી હતી. 'અનુરાગ', 'દો પ્રેમી', 'અંગૂર', 'મંઝિલ', 'રોટી કપડા ઔર મકાન' ફિલ્મોમાં તેના અભિનયની માત્ર પ્રશંસા જ નથી થઈ પરંતુ તેને ઈન્ડસ્ટ્રીમાં સફળતા અને ઓળખ પણ મળી હતી.

મૌસુમી ચેટર્જી રિયલ લાઈફમાં ઘણી ઈમોશનલ થઈ જતી હતી. કોઈ પણ સીનમાં તેને રડવાની એક્ટિંગ માટે ગ્લિસરીનની જરૂર નહોતી પડતી. મૌસુમી ચેટર્જી ક્યારેક ઈમોશનલ સીન્સમાં ખરેખર ઈમોશનલ થઈ જતી અને રડવા લાગી.

પોતાની સુંદરતા અને અભિનયની સાથે સાથે મૌસુમી પોતાની અંગત જિંદગીને લઈને પણ ચર્ચામાં રહે છે. મૌસુમીએ ખૂબ નાની ઉંમરમાં લગ્ન કરી લીધા હતા. જ્યારે અભિનેત્રી માત્ર 10મા ધોરણમાં ભણતી હતી ત્યારે તેના લગ્ન હેમંત કુમારના પુત્ર જયંત મુખર્જી સાથે થયા હતા. કહેવાય છે કે, તેમના એક સંબંધીની અંતિમ ઈચ્છાને કારણે તેમના લગ્ન ઉતાવળમાં કરવા પડ્યા હતા.

મૌસુમી ચેટર્જીના લગ્ન ખૂબ જ નાની ઉંમરમાં થયા હતા. હેમંત કુમારના પુત્ર જયંત મુખર્જી સાથે તેના લગ્ન થયા ત્યારે મૌસુમીએ માત્ર ધોરણ 10 પાસ કર્યું હતું. કહેવાય છે કે, તેમના એક સંબંધીની અંતિમ ઈચ્છાને કારણે તેમના લગ્ન ઉતાવળમાં કરવા પડ્યા હતા.

મૌસુમી ચેટર્જી બે પુત્રીઓ પાયલ અને મેઘાની માતા બની અને જીવન સુંદર રીતે આગળ વધી રહ્યું હતું. દરમિયાન માંદગીના કારણે તેમની પુત્રી પાયલે આ દુનિયા છોડી દીધી હતી. આ કારણે અભિનેત્રી ખૂબ ભાંગી પડી હતી અને લાંબા સમય સુધી આ આઘાતમાંથી બહાર આવી શકી નહોતી.