Riya Sen B'day: ત્રિપુરાના રાજવી પરિવારમાંથી છે રિયા સેન, આ ભૂલોએ બગાડ્યું કરિયર

અભિનેત્રીનો જન્મ પશ્ચિમ બંગાળના કોલકાતામાં થયો હતો. તેની માતા અને દાદી પણ બોલિવૂડની જાણીતી અભિનેત્રી રહી ચૂકી છે. આ જ કારણ છે કે રિયાએ નાની ઉંમરે એક્ટિંગ શરૂ કરી દીધી હતી.

અભિનેત્રી તેના કામ કરતા વધુ વિવાદોને લઈને ચર્ચામાં રહી હતી. છોકરીને કિસ કરવું, લગ્ન પહેલા પ્રેગ્નન્સી અને MMS લીક જેવા વિવાદોએ તેની પ્રતિષ્ઠા તો બગાડી જ નહી પરંતુ તેની ફિલ્મી કારકિર્દી પણ બરબાદ કરી નાખી.

તમને અભિનેત્રી રિયા સેન યાદ હશે, જે ફાલ્ગુની પાઠકના ગીત ‘ચૂડી જો ખનકી હાથો મે’ ફેમસ થઈ હતી. અભિનેત્રી 24 જાન્યુઆરીએ તેનો 41મો જન્મદિવસ ઉજવી રહી છે. રિયાનો જન્મ કોલકાતામાં થયો હતો પરંતુ તે ત્રિપુરાના રાજવી પરિવાર સાથે સંબંધ ધરાવે છે.

રિયાની માતા મૂન મૂન સેન અને દાદી સુત્રિતા સેન બોલિવૂડની દિગ્ગજ અભિનેત્રીઓ રહી ચૂકી છે. આ જ કારણ છે કે રિયાએ માત્ર 5 વર્ષની ઉંમરે તેની ફિલ્મી કરિયરની શરૂઆત કરી હતી.

કરિયરના શરૂઆતના ભાગમાં રિયા અક્ષય ખન્નાને ડેટ કરતી હતી જોકે આ સંબંધ લાંબો સમય ટકી શક્યો નહીં. આટલું જ નહીં જ્હોન અબ્રાહમ પહેલી નજરમાં જ તેના પર દિલ ગુમાવી બેઠો હતો. વાત લગ્ન સુધી પહોંચી પણ રિયાએ તેનું દિલ પણ તોડી નાખ્યું.

થોડા વર્ષો પછી અમીષા પટેલના ભાઈ અશ્મિત પટેલે રિયાના જીવનમાં પ્રવેશ કર્યો. બાદમાં, બંનેનો એક MMS વીડિયો સોશિયલ મીડિયા પર લીક થયો, જેણે બંનેની કારકિર્દીને મોટો ફટકો આપ્યો.

રિયાનું ડેટિંગ લિસ્ટ ઘણું લાંબુ છે. મીડિયા રિપોર્ટ્સ અનુસાર અભિનેત્રી 75 વર્ષીય સલમાન રશ્દીને પણ ડેટ કરી ચૂકી છે. એટલું જ નહીં તેનું નામ પ્રખ્યાત ક્રિકેટર યુવરાજ સિંહ અને શ્રીસંત સાથે પણ જોડાઈ ચૂક્યું છે.