Shamita Shetty Photos: ફિલ્મો હિટ...પરંતુ કરિયર રહ્યું ફ્લોનપ, જાણો આજે ક્યાં છે શમિતા શેટ્ટી

Happy Birthday Shamita Shetty: તમને બોલિવૂડનું સુપરહિટ ગીત 'શરારા-શરારા' યાદ જ હશે. પરંતુ શું તમને તેમાં જોવા મળેલી સુંદર અભિનેત્રી શમિતા શેટ્ટી યાદ છે ? ચાલો જાણીએ કે તે આ દિવસોમાં ક્યાં છે.

શમિતા શેટ્ટી બોલિવૂડ અભિનેત્રી શિલ્પા શેટ્ટીની બહેન છે. જેણે યશ રાજ ફિલ્મ્સની બ્લોકબસ્ટર ફિલ્મ 'મોહબ્બતેં'થી પોતાના કરિયરની શરૂઆત કરી હતી.

જોકે તે આ ફિલ્મમાં સાઈડ રોલમાં જોવા મળી હતી. પરંતુ તેમનું કામ દર્શકોને ખૂબ પસંદ આવ્યું હતું. આ ફિલ્મ પછી શમિતાને ઘણી ફિલ્મો મળી.

પરંતુ જ્યારે શમિતા શેટ્ટીએ જિમ્મી શેરગિલ અને ઉદય ચોપરાની ફિલ્મ 'મેરે યાર કી શાદી હૈ'ના ગીત 'શરારા શરારા' પર ડાન્સ કર્યો ત્યારે બધા તેના દિવાના થઈ ગયા. આજે પણ શમિતાને તેની ફિલ્મો કરતાં આ ગીત માટે વધુ યાદ કરવામાં આવે છે.

જો કે આ પછી શમિતાએ બોલિવૂડને ફરેબ અને જહર જેવી હિટ ફિલ્મો આપી. આમ છતાં તે ઈન્ડસ્ટ્રીમાં પોતાની જાતને સ્થાપિત કરવામાં સફળ રહી ન હતી.

પછી ધીરે ધીરે અભિનેત્રીને કામ મળતું બંધ થઈ ગયું અને તે ઈન્ડસ્ટ્રીમાંથી ગાયબ થઈ ગઈ. શમિતા ભલે છેલ્લા ઘણા સમયથી ફિલ્મોમાં જોવા ન મળી હોય, પરંતુ તે ઘણીવાર પાર્ટીઓ અને એવોર્ડ શોમાં જોવા મળે છે.

શમિતા છેલ્લે ટીવીના સૌથી વિવાદાસ્પદ શો 'બિગ બોસ 15'માં જોવા મળી હતી. એવું માનવામાં આવતું હતું કે આ શો તેની કારકિર્દીને ફરીથી વેગ આપશે. પરંતુ આ થઈ શક્યું નહીં.

(તમામ તસવીરો સોશિયલ મીડિયા)