Sobhita Dhulipala Birthday: મલ્ટી ટેલેન્ટેડ છે સોભિતા ધુલિપાલા, એક્ટિંગ સાથે ડાન્સિંગમાં પણ છે એક્સપર્ટ

સોભિતા ધુલીપાલા બોલીવુડની જાણીતી અભિનેત્રી છે, જેણે ઘણી ફિલ્મો અને વેબ સીરીઝમાં કામ કર્યું છે. સોભિતાએ અભિનય કારકિર્દી શરૂ કરી તે પહેલાં, તે એક જાણીતી મોડેલ પણ હતી.

આંધ્રપ્રદેશની રહેવાસી સોભિતા ધુલીપાલા હંમેશા અભિનેત્રી બનવા માંગતી હતી, તેથી તે પણ મુંબઈ આવી ગઈ. જો કે તેની સાથે તેની પાસે ડાન્સિંગનું પણ કૌશલ્ય છે.

સોભિતા ધુલીપાલા એક પ્રશિક્ષિત ક્લાસિકલ ડાન્સર છે. તેણે ભરતનાટ્યમ અને કુચીપુડી પણ શીખ્યું છે. તેણે મુંબઈ યુનિવર્સિટીમાંથી પોતાનો અભ્યાસ પૂરો કર્યો છે.

સોભિતા ધુલીપાલા એક ભારતીય સુપરમોડેલ અને બ્યુટી પેજેંટ ટાઇટલ હોલ્ડર છે. તેણે વર્ષ 2013માં મિસ અર્થ ઈન્ડિયાનો ખિતાબ જીત્યો હતો.

સોભિતા મિસ ઈકો બ્યુટી, મિસ ટેલેન્ટ જેવા ટાઈટલ પણ જીતી ચૂકી છે. આ સિવાય તે કિંગફિશર બિકીની કેલેન્ડર વર્ષ 2014માં પણ જોવા મળી છે.

સોભિતાએ પોતાના કરિયરની શરૂઆત 'રમન રાઘવ 2.0'થી કરી હતી. આ ફિલ્મ 2016માં રિલીઝ થઈ હતી. શોભિતા 'કાલાકાંડી' અને 'શેફ' ફિલ્મમાં પણ જોવા મળી છે. આ સિવાય સોભિતા 'મેડ ઇન હેવન' અને 'બાર્ડ ઓફ બ્લડ' જેવી ફિલ્મોમાં પણ જોવા મળી છે.

સોભિતા ટૂંક સમયમાં ઐશ્વર્યા રાય સાથે મણિરત્નમની ફિલ્મ 'પોન્નિયિન સેલવન' (Ponniyin Selvan)માં જોવા મળશે.