Sunny Nijjar Birthday: અજય દેવગણની ફિલ્મથી બોલિવૂડમાં કર્યું હતું ડેબ્યૂ, 'પ્યાર કા પંચનામા'થી મળી લોકપ્રિયતા

Sunny Nijar Unknown Facts: બોલિવૂડ એક્ટર સની સિંહ નિજ્જરનો જન્મ 6 ઓક્ટોબર 1985ના રોજ દિલ્હીમાં થયો હતો. બર્થડે સ્પેશિયલમાં અમે તમને સનીના જીવનની એવી વાતોથી પરિચિત કરાવી રહ્યા છીએ જેના વિશે તમે પણ અજાણ હશો.

સની સિંહ નિજ્જરે એક્ટિંગના દમ પર બોલિવૂડમાં પોતાની ઓળખ બનાવી છે. જો કે, તેણે બાળપણમાં જ અભિનયની પ્રતિભાનો સ્વાદ ચાખ્યો હતો. વાસ્તવમાં સનીના પિતા જયસિંહ નિજ્જર હિન્દી ફિલ્મોના જાણીતા એક્શન ડિરેક્ટર છે.

આવી સ્થિતિમાં સનીની કારકિર્દી પણ તે ખૂબ નાનો હતો ત્યારે શરૂ થઇ હતી. તેણે પોતાની કારકિર્દીની શરૂઆત બાળ કલાકાર તરીકે ફિલ્મ અંગ્રેઝી બાબુ દેશીથી કરી હતી.

સની સિંહે નાના પડદાથી અભિનેતા તરીકે પોતાની કારકિર્દીની શરૂઆત કરી હતી. તેણે વર્ષ 2007 દરમિયાન સિરિયલ ‘કસૌટી ઝિંદગી કી’માં કામ કર્યું હતું. આ પછી તે ‘શકુંતલા’ ટીવી સિરિયલમાં જોવા મળ્યો હતો. આ બંને સિરિયલોએ સનીને દરેક ઘરમાં ફેમસ બનાવી દીધો હતો.

સની સિંહે 2011માં અજય દેવગન સ્ટારર ફિલ્મ ‘દિલ તો બચ્ચા હૈ જી’થી મોટા પડદા પર ડેબ્યૂ કર્યું હતું. આ પછી તે આકાશ વાની, સોનુ કે ટીટુ કી સ્વીટી, દે દે પ્યાર દે, ઉજડા ચમન, પતિ, પત્ની ઔર વો, જય મમ્મી દી, આદિપુરુષ વગેરે જેવી ફિલ્મોમાં જોવા મળ્યો હતો.

જોકે, તેને સૌથી વધુ લોકપ્રિયતા ફિલ્મ પ્યાર કા પંચનામા 2 થી મળી હતી. સની ટૂંક સમયમાં ‘યાર જિગરી’ અને ‘લવ કી એરેન્જ્ડ મેરેજ’માં જોવા મળશે. આ સિવાય તેણે ઘણા મ્યુઝિક વીડિયોમાં પણ કામ કર્યું છે.