'સ્ત્રી 2' અગાઉ આ પાંચ ફિલ્મોએ બે દિવસમાં કરી હતી 100 કરોડ રૂપિયાની કમાણી

These 5 Movies Enter 100 Crore Club In 2 Days: શ્રદ્ધા કપૂર અને રાજકુમાર રાવની ફિલ્મ 'સ્ત્રી' 2 બોક્સ ઓફિસ પર ધૂમ મચાવી રહી છે. આ ફિલ્મે કમાણીના મામલામાં ઘણી બ્લોકબસ્ટર અને સુપરહિટ ફિલ્મોને માત આપી છે.

'સ્ત્રી 2' એ 15મી ઓગસ્ટે જ બમ્પર ઓપનિંગ કર્યું હતું. નિર્માતાઓએ જણાવ્યું હતું કે ફિલ્મની પ્રથમ દિવસની કમાણી 76 કરોડ રૂપિયાથી વધુ છે. ફિલ્મે બીજા દિવસે જ 100 કરોડનો આંકડો પાર કરી લીધો હતો. ફિલ્મ ‘સ્ત્રી 2’ પહેલા માત્ર 5 ફિલ્મોએ 2 દિવસમાં 100 કરોડ રૂપિયાની કમાણી કરવાની સિદ્ધિ હાંસલ કરી હતી. આવો જાણીએ તે પાંચ ફિલ્મો વિશે.

એનિમલ- રણબીર કપૂરની આ ફિલ્મ ડિસેમ્બર 2023માં રિલીઝ થઈ હતી. આ ફિલ્મ માત્ર 2 દિવસમાં 100 કરોડ રૂપિયાનું કલેક્શન કરવામાં સફળ રહી હતી.

જવાન- શાહરૂખ ખાનની આ બ્લોકબસ્ટર ફિલ્મ પણ 2023માં આવી હતી. આ ફિલ્મની કુલ કમાણી 1148 કરોડ રૂપિયા હતી. આ ફિલ્મ બે દિવસમાં 100 કરોડની ક્લબમાં સામેલ થઈ ગઈ છે.

KGF 2 (હિન્દી વર્ઝન) – કન્નડ સુપરસ્ટાર યશની આ ફિલ્મ એપ્રિલ 2022માં રિલીઝ થઈ હતી. ફિલ્મના હિન્દી વર્ઝને માત્ર 2 દિવસમાં 100 કરોડ રૂપિયાની કમાણી કરીને બધાને ચોંકાવી દીધા છે.

પઠાણ- જાન્યુઆરી 2023માં રિલીઝ થયેલી 'પઠાણ' પણ આ યાદીમાં સામેલ છે. પઠાણે પણ બે દિવસમાં 100 કરોડ રૂપિયાથી વધુનું કલેક્શન કર્યું.

ટાઈગર 3- સલમાન ખાન અને કેટરિના કૈફની આ ફિલ્મ વર્ષ 2023માં રિલીઝ થઈ હતી. ફિલ્મનું કુલ કલેક્શન 258.52 કરોડ રૂપિયા હતું. ફિલ્મે માત્ર બે દિવસમાં 100 કરોડની કમાણી કરી લીધી હતી.

નોંધનીય છે કે આ વર્ષે અજય દેવગનની 'સિંઘમ અગેન', સાઉથ એક્ટર સૂર્યાની 'કંગુવા' અને અલ્લુ અર્જુનની 'પુષ્પા 2' જેવી મચઅવેટેડ ફિલ્મો પણ આવવાની છે. હવે એ જોવાનું રસપ્રદ રહેશે કે આમાંથી કોઈ ફિલ્મ 2 દિવસમાં 100 કરોડ રૂપિયાની કમાણી કરી શકે છે કે નહીં.