કંગના રનૌતના શો 'lock upp'માં કેદી બનવાનો આ સેલેબ્સે કર્યો હતો ઇનકાર

મુંબઇઃ બોલિવૂડ એક્ટ્રેસ કંગના રનૌતનો શો ‘લોક અપ’ ઘણો લોકપ્રિયતા મેળવી રહ્યો છે. આ શોમાં સેલેબ્સ કેદી બનીને જીવી રહ્યા છે. શોમાં સ્પર્ધકો દરરોજ લડતા જોવા મળે છે. જેના કારણે દર્શકોને શોમાં ઘણી લડાઈ જોવા મળે છે. ચેતન હંસરાજે હાલમાં જ શોમાં એન્ટ્રી કરી છે. દર્શકોને આ શો પાસેથી ઘણી અપેક્ષાઓ છે. પરંતુ શું તમે જાણો છો કે ઘણા એવા સેલેબ્સ છે જેમણે આ શોને રિજેક્ટ કર્યો હતો. જેમાં રશ્મિ દેસાઈથી લઈને ઉર્ફી જાવેદનો સમાવેશ થાય છે.

બિગ બોસ OTT ફેમ ઉર્ફી જાવેદ સતત પોતાના કપડાના કારણે ચર્ચામાં રહેતી હોય છે. ઉર્ફી શોમાં આવશે તેવા રિપોર્ટ હતા પરંતુ તેણે આ અટકળોને ફગાવી દીધી હતી.

આ શો માટે ટીવી એક્ટ્રેસ શ્વેતા તિવારીને પણ અપ્રોચ કરવામાં આવી હતી. જોકે શ્વેતાએ શોમાં આવવાની ના પાડી દીધી હતી.

કંગનાના શો માટે મલ્લિકા શેરાવતનો પણ સંપર્ક કરવામાં આવ્યો હતો. પરંતુ તેણે શોમાં આવવા હા પાડી કે ના પાડી એ વાતની પુષ્ટી થઇ નથી. પરંતુ તે હજુ સુધી આ શોમાં જોવા મળી નથી.

બિગ બોસ બાદ રિતેશ સિંહ કંગનાના શોમાં આવવાના સમાચાર હતા. તેણે કહ્યું હતું કે શોમાં તેની એન્ટ્રી કન્ફર્મ નથી.

હાલમાં જ ટીવી એક્ટ્રેસ રશ્મિ દેસાઈ કંગનાના શોમાં આવવાના સમાચાર હતા. પરંતુ હવે રશ્મિએ તેને નકારીને આ અટકળો પર પૂર્ણવિરામ મુકી દીધું છે.

બિગ બોસ બાદ જસ્મીન ભસીનનો લોક અપ માટે સંપર્ક કરવામાં આવ્યો હતો. પરંતુ તેણે હજુ સુધી શો માટે હા પાડી નથી.