Anusha Dandekar Birthday: કરણ કુંદ્રા સાથે અફેર-બ્રેકઅપ.....કામથી વધુ પર્સનલ લાઈફના કારણે ચર્ચામાં રહી અનુષા દાંડેકર

પ્રખ્યાત વીજે, મોડલ અને અભિનેત્રી અનુષા દાંડેકર આજે પોતાનો 41મો જન્મદિવસ ઉજવી રહી છે. અનુષા પોતાની બોલ્ડ અને હોટ તસવીરો ઈન્સ્ટાગ્રામ પર શેર કરી ચર્ચામાં રહે છે.

અનુષા તે અભિનેત્રીઓમાંની એક છે, જેનો જન્મ ભલે વિદેશમાં થયો હોય, પરંતુ તેની પ્રતિભાની ચમક ભારતમાં ફેલાઈ છે. વાસ્તવમાં, અનુષાનો જન્મ 9 જાન્યુઆરી 1982ના રોજ સુદાનના ખાર્તુમમાં રહેતા એક મરાઠી પરિવારમાં થયો હતો.

અનુષા એન્ટરટેઈનમેન્ટ ઈન્ડસ્ટ્રીમાં પોતાનું કરિયર બનાવવા ઈચ્છતી હતી. આ કારણે તે 2002માં મુંબઈ શિફ્ટ થઈ ગઈ હતી. તેણે એમટીવીના એન્કર તરીકે પોતાની કારકિર્દીની શરૂઆત કરી હતી. 2014 માં, તેણે અભિનેત્રી લિસા હેડન સાથે 'ઇન્ડિયાઝ નેક્સ્ટ ટોપ મોડલ' શોને સહ-હોસ્ટ કર્યો.

અનુષાએ ઘણી ફિલ્મોમાં પણ કામ કર્યું છે. 2003માં તેણે 'મુંબઈ મેટિની'થી બોલિવૂડમાં ડેબ્યૂ કર્યું હતું. આ પછી તે 'વિરુદ્ધ', 'એન્થોની કૌન હૈ?', 'હેલો', 'સિટી ઓફ ગોલ્ડ', 'દિલ્હી બેલી' અને 'ભાવેશ જોશી' જેવી ફિલ્મોમાં જોવા મળી હતી.

અનુષા પ્રખ્યાત મોડલ શિબાની દાંડેકરની બહેન અને ફરહાન અખ્તરની ભાભી છે.

અનુષા ટીવી એક્ટર કરણ કુન્દ્રા સાથેના સંબંધો અને બ્રેકઅપને લઈને ચર્ચામાં હતી.

વાસ્તવમાં બંને ઘણા વર્ષો સુધી રિલેશનશિપમાં હતા અને પછી અલગ થઈ ગયા. બાદમાં અનુષાએ કરણ પર છેતરપિંડીનો આરોપ લગાવ્યો હતો.

(તમામ તસવીરો અનુષા ઈન્સ્ટાગ્રામ)