Year Ender 2023: રણબીર કપૂરની 'એનિમલ' સહિત આ પાંચ ફિલ્મોએ બોક્સ ઓફિસ પર કરી છે 600 કરોડની વધુની કમાણી

Box Office: રણબીર કપૂરની ફિલ્મ 'એનિમલ'એ વર્લ્ડવાઈડ કલેક્શનમાં 650 કરોડ રૂપિયાનો આંકડો પાર કરી લીધો છે. પરંતુ એ જ વર્ષે 'એનિમલ' પહેલા બીજી ઘણી ફિલ્મોએ પણ આ આંકડો પાર કર્યો હતો.

રણબીર કપૂરની ફિલ્મ 'એનિમલ'એ રિલીઝના દિવસથી જ બોક્સ ઓફિસ પર દબદબો જમાવી લીધો છે. આ ફિલ્મે માત્ર ભારતીય બોક્સ ઓફિસ પર જ જોરદાર કમાણી કરી નથી પરંતુ વર્લ્ડવાઇડ કલેક્શનમાં પણ મોટી સફળતા મેળવી છે. ફિલ્મે રિલીઝના નવમા દિવસે વિશ્વભરમાં 660.89 કરોડ રૂપિયાની કમાણી કરી લીધી છે. પરંતુ 'એનિમલ' પહેલા આ વર્ષે ઘણી ફિલ્મોએ આ આંકડો પાર કર્યો છે.

જવાન - સૌથી પહેલા વાત કરીએ શાહરૂખ ખાનની 'જવાન', ફિલ્મની જે વર્ષ 2023માં જ થિયેટર્સમાં રીલિઝ થઇ હતી. આ ફિલ્મે વર્લ્ડવાઈડ કલેક્શનમાં 1160 કરોડ રૂપિયાની કમાણી કરી હતી.

પઠાણ- શાહરૂખ ખાનની ફિલ્મ 'પઠાણ' પણ આ લિસ્ટમાં સામેલ છે. આ ફિલ્મે વર્લ્ડવાઈડ કલેક્શનમાં 650 કરોડ રૂપિયાનો આંકડો પાર કર્યો અને 1055 કરોડ રૂપિયાનો શાનદાર બિઝનેસ કર્યો.

ગદર 2 - બોલિવૂડના પાવરફુલ એક્ટર સની દેઓલની ફિલ્મ 'ગદર 2' પણ આ વર્ષે રિલીઝ થઈ હતી. આ ફિલ્મે બોક્સ ઓફિસ પર જોરદાર કમાણી કરી હતી. આ ફિલ્મે વર્લ્ડવાઈડ કલેક્શનમાં 691 કરોડ રૂપિયાની કમાણી કરી હતી.

જેલર - આ લિસ્ટમાં સાઉથના સુપરસ્ટાર રજનીકાંતની ફિલ્મ 'જેલર'નું નામ પણ સામેલ છે. ફિલ્મે વિશ્વભરમાં કુલ 650 કરોડ રૂપિયાની કમાણી કરી હતી

રણબીર કપૂરની ફિલ્મ 'એનિમલ'ની વાત કરીએ તો તેમાં તેની સાથે બોબી દેઓલ, અનિલ કપૂર, રશ્મિકા મંદાન્ના અને તૃપ્તિ ડિમરી જેવા સ્ટાર્સ જોવા મળે છે.