Gufi Paintal Death: એક્ટર બનવા માટે ગૂફી પેન્ટલે છોડી દીધી હતી નોકરી, આ રૉલના કારણે મળતી હતી નફરત વાળી ચિઠ્ઠીઓ

Gufi Paintal Death: સ્ટાર એક્ટેરમાં સામેલ ગૂફી પેન્ટલ આજે સવારે નિધન થઇ ગયુ છે, આજે સવારે મુંબઈની એક હૉસ્પીટલમાં ગૂફી પેન્ટલનું અવસાન થયું છે. આ અભિનેતાએ કેટલીય ટીવી સીરિયલો અને ફિલ્મોમાં કામ કર્યું હતું, પરંતુ એક ભૂમિકાના કારણે તેને લોકોની નફરતનો સામનો પણ કરવો પડ્યો હતો.

ઉલ્લેખનીય છે કે, એક્ટિંગમાં કરિયર બનાવતા પહેલા ગૂફી પેન્ટલ આર્મીમાં કામ કરતાં હતા. જ્યારે વર્ષ 1962 ચાલતુ હતુ, તે સમયે ભારત અને ચીન વચ્ચે યુદ્ધ થયું હતું. તે સમયે કૉલેજના વિદ્યાર્થીઓને આર્મીમાં જોડી રહ્યાં હતા, ત્યારે ગૂફી પેન્ટલ પણ સેનામાં જોડાઇ ગયા હતા.

યુદ્ધ દરમિયાન ગૂફી પેન્ટલ ચીન સરહદ પર તૈનાત હતા અને તે આર્ટિલરીમાં પૉસ્ટેડ હતા.

મીડિયા રિપોર્ટ્સ અનુસાર, સેનામાં ભરતી થયેલા સૈનિકો પાસે તે સમયે મનોરંજનનું કોઈ સાધન નહોતું, તે સમયે આ સૈનિકો રામલીલા કરતા હતા અને ગૂફી પેન્ટલ તેમાં માતા સીતાની ભૂમિકા ભજવતા હતા.

સેનામાં રામલીલામાં સીતાની ભૂમિકા ભજવતી વખતે ગૂફી પેન્ટલની અભિનયમાં રુચિ વધી અને પછી 1962ના યુદ્ધના અંત પછી, તેઓએ સેના છોડીને અભિનયમાં કારકિર્દી બનાવવાનું નક્કી કર્યું.

બસ પછી શું હતું, એક્ટર બનવા માટે ગૂફી પેન્ટલ માયાનગરી મુંબઈ પહોંચી ગયા અને પછી એક્ટિંગમાં તેમની કરિયર શરૂ થઈ. અગાઉ તેમને સિરિયલોમાં પણ કામ કર્યું હતું.

આ દરમિયાન ગૂફી પેન્ટલને બીઆર ચોપરાની સીરિયલ મહાભારતમાં જોડાવાની તક મળી. જોકે અગાઉ તે કાસ્ટિંગ ડિરેક્ટર તરીકે જોડાયા હતા.

સ્ક્રિપ્ટ રાઈટર રાહી માસૂમ રઝા મહાભારતમાં શકુનીની ભૂમિકા માટે એક સારા કલાકારની શોધમાં હતી. તે સમયે તેની નજર ગૂફી પેન્ટલ પર પડી અને તેને ગૂફી પેન્ટલને શકુની મામાના રૉલમાં એકદમ ફિટ જોયો.

પછી થયું એવું કે, મહાભારતનું આ આઇકૉનિક પાત્ર, એટલે કે શકુની મામાનો રૉલ જે ગૂફી પેન્ટલે તે ઘર-ઘર ફેમસ થઇ ગયો હતો.

શકુનીના પાત્રએ ગૂફી પેન્ટલને રાતોરાત મોટી લોકપ્રિયતા અપાવી હતી, પરંતુ આ નકારાત્મક ભૂમિકાને કારણે તેને લોકોની નફરતનો પણ સામનો કરવો પડ્યો હતો.

શકુની મામાના કેરેક્ટરના કારણે લોકો ગૂફી પેન્ટલને ખરાબ સમજવા લાગ્યા હતા અને તે લોકોના ધિક્કારના પાત્ર પણ બન્યા હતા. એક તો તેના પગ તોડી નાખવાની ધમકી પણ આપી હતી.