સ્વીડિશ યુવતી સાથે રાઘવ જુયાલની રોમેન્ટિક તસવીરો વાયરલ

રાઘલ જુયાલ સ્વીડિશ યુવતીને ડેટ કરી રહ્યો હોવાની ચર્ચા છે. બંનેની કેટલીક તસવીરો વાયરલ થઈ છે. રિપોર્ટ્સ પ્રમાણે, રાઘવ જુયાલ સ્વીડિશ છોકરીને ડેટ કરી રહ્યો છે. રિપોર્ટ્સનું માનીએ તો, તે જે છોકરીને ડેટ કરી રહ્યો છે તેનું નામ Sara Arrhusius છે. સારા ફિલ્મ ઈન્ડસ્ટ્રી સાથે જોડાયેલી છે અને ઈન્ટિમસી કોઓર્ડિનર છે. સારાએ ઓટીટી પ્લેટફોર્મ પર આવેલા ફેમસ શો 'યંગ રોયલ્સ'માં ઈન્ટિમસી કોઓર્ડિનર તરીકે કામ કર્યું હતું. આ સિવાય તે ઘણા સ્વીડિશ શોમાં કામ કરી ચૂકી છે.

રાઘવ જુયાલ અને સારા 2018થી એકબીજાને ડેટ કરી રહ્યા છે. બંનેએ આજ સુધી તેમના સંબંધોને પ્રાઈવેટ રાખ્યા છે અને માત્ર નજીકના મિત્રો જ આ વિશે જાણે છે. સારા ઘણીવાર ભારત આવી ચૂકી છે. તે અહીંયાની એક કંપનીની કો-ફાઉન્ડર પણ છે.

કોરિયોગ્રાફર, ટીવી હોસ્ટ અને એક્ટર રાઘવ જુયાલ હાલ રિયાલિટી શો 'ડાન્સ પ્લસ 6' હોસ્ટ કરી રહ્યો છે. રાઘવ જુયાલ શોની મેન્ટર શક્તિ મોહન સાથે દરેક એપિસોડમાં ફ્લર્ટ કરતો અને તેને પજવતો જોવા મળે છે. તે ઘણીવાર શક્તિ મોહનને તેની સાથે લગ્ન કરી લેવાનું પણ કહે છે.

રાઘલ જુયાલ અને શક્તિ મોહનની જોડી તેમજ તેમની વચ્ચેના ખાટા-મીઠા ઝઘડા ફેન્સને પસંદ આવે છે. મોટાભાગના લોકોને લાગે છે કે, રિયલ લાઈફમાં રાઘવ જુયાલ અને શક્તિ મોહન વચ્ચે કંઈક ચાલી રહ્યું છે. જો કે, રાઘવ જુયાલના રિલેશનશિપને લઈને ખબર સામે આવી છે.