Anupamaa Twist: 'અનુપમા'માં જલદી આવવાનું છે આ નવું ટ્વિસ્ટ, અનુજ પર લાગશે કિડનેપિંગનો આરોપ, મચી જશે ખળભળાટ

Anupamaa Twist: લોકપ્રિય ટીવી શૉ 'અનુપમા'માં હાલમાં જોરદાર ડ્રામા ચાલી રહ્યો છે. આગામી એપિસૉડમાં પણ ઘણા ટ્વિસ્ટ જોવા મળવાના છે. જેના કારણે અનુ અને અનુજનું જીવન બદલાઈ જશે. રૂપાલી ગાંગુલી અને ગૌરવ ખન્ના સ્ટારર ટીવી શો 'અનુપમા' તેની સ્ટૉરી સાથે દર્શકોનું ધ્યાન આકર્ષિત કરવામાં સફળ રહ્યો છે. આ શો તેના રસપ્રદ ટ્વિસ્ટથી લાખો લોકોના દિલ જીતવામાં સફળ રહ્યો છે. અનુ અને અનુજ આખરે ફરી મળ્યા છે, પરંતુ અનુજ તેના પ્રેમને ભૂલી ગયો છે. આ બધાની વચ્ચે શોમાં નવા ટ્વિસ્ટ આવવાના છે.

અનુપમાના આગામી એપિસોડમાં અંકુશ અને બરખા અનુજને કેટલાક કાગળો પર હસ્તાક્ષર કરાવતા જોવા મળશે. અધિકને તેના વિશે ખબર પડશે અને અનુપમાને આખું સત્ય કહેશે અને તેને આંચકો આપશે. અનુપમા અંકુશ અને બરખાને ખૂબ ઠપકો આપશે.

અનુજ નંદિતાની દીકરી આશાને પોતાની આધ્યા માનશે. તે આશા સાથે રમે છે અને તેની સંભાળ રાખે છે, પરંતુ સ્ટૉરીમાં ટ્વિસ્ટ ત્યારે આવશે જ્યારે આશા ગુમ થઈ જશે અને નંદિતા અનુજ પર આશાનું અપહરણ કરવાનો આરોપ લગાવશે.

બીજીતરફ તે શૉમાં જોવા મળશે કે યશદીપ આધ્યાને ટ્રેસ કરવાનો પ્રયાસ કરશે. તે કહેશે કે આધ્યા જીવિત છે અને હૉસ્ટેલમાં છે. આગામી એપિસોડમાં, અનુપમા અનુજને આધ્યાને પાછી લાવવાનું વચન આપે છે.

બીજીતરફ, વનરાજ બિલ્ડર શ્રી વિરાણી સાથે મોટી બિઝનેસ ડીલ કરતા જોવા મળશે. તે વિરાણીને પોતાનો બિઝનેસ પાર્ટનર બનાવવાનો પ્રયાસ કરશે. વનરાજ તેના સપનાને વાસ્તવિકતામાં બદલવા માટે સખત મહેનત કરશે.

અનુપમા કાપડિયાના ઘરે જવાનું નક્કી કરશે. હા, અનુ નક્કી કરશે કે તે અનુજને એકલો નહીં છોડે. એટલું જ નહીં પરંતુ તે કાપડિયા સામ્રાજ્યને ફરીથી સ્થાપિત કરવા માટે પોતાનું બધું જ આપશે.

અનુપમાના આ ટ્વિસ્ટને કારણે અનુપમા, અનુજ અને વનરાજના જીવનમાં ઘણો ડ્રામા થવાનો છે. આવી સ્થિતિમાં ચાહકોનું માનવું છે કે જ્યારે અનુ અને અનુજ સાથે રહેશે અને આધ્યા પાછી આવશે તો બંનેના જીવનમાં ઉથલપાથલ થઈ શકે છે.