Ghum Hai Kisikey Pyaar Meiin ની 'પાખી'ને પ્રેમમાં અનેકવાર મળી ચૂક્યો છે 'દગો', કહ્યું- 'હું કઠપૂતળી બની ગઇ હતી'

'ગુમ હૈ કિસી કે પ્યાર મેં'માં પાખીનું પાત્ર ભજવનાર ઐશ્વર્યા શર્માએ પ્રેમમાં ઘણી વખત દગો ખાદ્યો છે. એક સમય એવો આવ્યો કે તે પોતાની જાતને ભૂલી ગઈ હતી.

ટીવી એક્ટ્રેસ ઐશ્વર્યા શર્માએ એકવાર પોતાના ભૂતકાળના સંબંધો પર પોતાનું દર્દ વ્યક્ત કર્યું હતું. ઐશ્વર્યા પોતાની પર્સનલ લાઈફને લઈને પણ ઘણી વખત વાત કરી ચૂકી છે.

'ગુમ હૈ કિસી કે પ્યાર મેં'ના વિરાટ ઉર્ફે નીલ ભટ્ટને મળ્યા પહેલા ઐશ્વર્યા શર્મા અનેક સાથે રિલેશનશીપમાં રહી પરંતુ તેના અનુભવો ખૂબ જ ખરાબ રહ્યા હતા. એકવાર તે પોતાની જાતને ભૂલી ગઇ હતી.

ઇ-ટાઇમ્સ સાથેની વાતચીતમાં ઐશ્વર્યા શર્માએ તેમના કડવા સંબંધોનું સત્ય જણાવ્યું હતું. ઐશ્વર્યાએ કહ્યું હતું કે પ્રેમમાં તેની સાથે ઘણી વખત દગો થયો છે.ઐશ્વર્યા શર્માએ કહ્યું, “મારા અગાઉના સંબંધો ખરેખર ખરાબ હતા. સંબંધ હોય કે મિત્રતા, મને જીવનમાં ઘણી વાર છેતરપિંડીઓનો સામનો કરવો પડ્યો છે. હું નાની નાની બાબતોમાં ઉત્સાહિત થઈ જાઉં છું. તે વ્યક્તિ (ભૂતપૂર્વ બોયફ્રેન્ડ) મને કહેતી હતી કે તું પાગલ છે? તું કેમ આવું વર્તન કરે છે?

ઐશ્વર્યાએ આગળ કહ્યું હતું કે “હું બાળપણથી જ આવી હતી. તે મને આવું વર્તન કરતા રોકતો હતો. હું તેની વાત સાંભળતી હતી. ધીમે ધીમે મને સમજાયું કે મેં બધું કરવાનું બંધ કરી દીધું છે. મારું સન્માન પણ રહ્યુ નહોતું. હું કઠપૂતળી બની ગઇ હતી. મારા બ્રેકઅપ પછી મેં ક્યારેય લગ્ન કરવાનું વિચાર્યું નહોતું.

પાખી ઉર્ફે ઐશ્વર્યાને 'ગુમ હૈ કિસી કે પ્યાર મેં'ના સેટ પર વિરાટ ઉર્ફે નીલ ભટ્ટ સાથે રિયલ લાઇફમાં પ્રેમ થઈ ગયો હતો. બંનેએ એક વર્ષ સુધી એકબીજાને ડેટ કર્યા અને પછી 2021માં લગ્ન કરી લીધા હતા.

ઐશ્વર્યા શર્માએ વર્ષ 2015માં 'કોડ રેડ'થી ટીવી ડેબ્યૂ કર્યું હતું, ત્યારબાદ તે 'સંકટ મોચન મહાબલી હનુમાન', 'સૂર્યપુત્ર કર્ણ' અને 'જાનબાદ સિંદબાદ' જેવા શોમાં જોવા મળી હતી.

ઐશ્વર્યા શર્માને ટીવી શો 'મેરી દુર્ગા'થી મોટો બ્રેક મળ્યો હતો. આ પછી તે અન્ય ટીવી શોમાં જોવા મળી હતી. 2020માં તે 'માધુરી ટોકીઝ'માં જોવા મળી હતી. 5 વર્ષની મહેનત પછી તેને બીજો બ્રેક મળ્યો હતો.

ઐશ્વર્યા શર્માને 2020માં 'ગુમ હૈ કિસી કે પ્યાર મેં'માં પાખીનો નેગેટિવ રોલ મળ્યો હતો. અભિનેત્રી માટે આ એક મોટી તક હતી, જેણે તેને સ્ટાર બનાવી દીધી. કરિયરની શરૂઆતમાં ઘણી વખત રિજેક્શનનો સામનો કરી ચૂકેલી ઐશ્વર્યા આજે એક લોકપ્રિય ટીવી અભિનેત્રી છે. તાજેતરમાં ઐશ્વર્યા શર્માએ ખુલાસો કર્યો હતો કે તેણે ગુમ હૈ કિસી કે પ્યાર મેં છોડી દીધી છે. હવે તે નવી તકની શોધમાં છે.