કપિલ શર્માને મોટો ઝટકો, બે મહિનામાં બંધ થઇ રહ્યો છે કોમેડી શો, જાણો કારણ

‘ધ ગ્રેટ ઈન્ડિયન કપિલ શો’ એ દર્શકોને મનોરંજનનો પૂરો ડોઝ આપ્યો છે. આ શોમાં અત્યાર સુધી ઘણા મોટા સ્ટાર્સે ભાગ લીધો છે. પરંતુ હવે સમાચાર આવી રહ્યા છે કે આ શો બંધ થવાનો છે. છેવટે, આનું કારણ શું છે?

હા, કપિલ શર્માના ચાહકો માટે એક ચોંકાવનારા સમાચાર છે. વાસ્તવમાં કોમેડિયનનો લોકપ્રિય શો 'ધ ગ્રેટ ઈન્ડિયન કપિલ શો' તેના પ્રીમિયરના બે મહિનામાં જ બંધ થવા જઈ રહ્યો છે. આ શોનો છેલ્લો એપિસોડ આ શનિવારે ટેલિકાસ્ટ થશે.

ગુરુવારે અર્ચના પૂરણ સિંહે તેની ઇન્સ્ટાગ્રામ સ્ટોરી પર 'ધ ગ્રેટ ઇન્ડિયન કપિલ શો' ના સેટમાંથી એક રેપ-અપ તસવીર શેર કરી. આ તસવીરને કેક સાથે કેપ્શન આપવામાં આવ્યું હતું. સીઝન પૂરી થઈ ગઈ

બાદમાં પિંકવિલા સાથે વાત કરતી વખતે અર્ચનાએ પણ પુષ્ટી કરી હતી કે 'ધ ગ્રેટ ઈન્ડિયન કપિલ શો' ઓફ-એર થઈ રહ્યો છે. તેણે કહ્યું, “હા, અમે TGIKS ની પ્રથમ સીઝન માટે શૂટિંગ પૂર્ણ કર્યું છે. અમે ગઈકાલે સીઝનનો છેલ્લો એપિસોડ શૂટ કર્યો હતો. તેણે કહ્યું, સેટ પર ખૂબ જ મજા આવી, આ શોમાં અત્યાર સુધીની સફર ઘણી સારી રહી છે. તે એક અદ્ભુત સફર હતી અને અમે સેટ પર થોડો અદ્ભુત સમય વિતાવ્યો હતો.”

'ધ ગ્રેટ ઈન્ડિયન કપિલ શો' બે મહિનામાં બંધ થવાના સમાચારથી બધાને આશ્ચર્ય થયું છે. આ પહેલીવાર છે જ્યારે કપિલ શર્માનો શો આટલી જલદી બંધ થઈ રહ્યો છે.

જો કે, હવે શોના કલાકાર કીકુ શારદાએ ખુલાસો કર્યો છે કે 'ધ ગ્રેટ ઈન્ડિયન કપિલ શો' કેમ બંધ કરવામાં આવી રહ્યો છે. કીકુએ કહ્યું કે આ ટેમ્પરરી રૈપઅપ છે. ન્યૂઝ 18 સાથે વાત કરતા કિકુએ કહ્યું, “અમે 13 એપિસોડ પૂરા કર્યા છે. અમે હમણાં જ પહેલી સીઝન પૂરી કરી છે. તેની બીજી સીઝન ટૂંક સમયમાં આવશે.

તેણે કહ્યું કે બે સીઝન વચ્ચે વધારે અંતર રહેશે નહીં. ટીવી પર આ શો લાંબા સમય સુધી ચાલતો હતો પરંતુ હવે તેનું ફોર્મેટ બદલાઈ ગયું છે. અમે જલ્દી પાછા આવીશું.

કિકુએ કન્ફર્મ કર્યું કે ટૂંક સમયમાં જ આ શો નવી સ્ટાઈલ સાથે પરત ફરશે. 30 માર્ચ, 2024 ના રોજ નેટફ્લિક્સ પર ધ ગ્રેટ ઈન્ડિયન કપિલ શોનું પ્રીમિયર થયું, જેમાં રણબીર કપૂર, નીતુ કપૂર અને રિદ્ધિમા કપૂર સાહની મહેમાન તરીકે હતા.

બીજા એપિસોડમાં અભિનેતા-કોમેડિયને ક્રિકેટરો રોહિત શર્મા અને શ્રેયસ અય્યરનું સ્વાગત કર્યું હતું.

કપિલના શોના ચોથા એપિસોડમાં કૌશલ ભાઈઓ એટલે કે વિકી અને સની કૌશલે તેમના બાળપણની યાદો તાજી કરી અને બધાને હસાવ્યા હતા.

પાંચમા એપિસોડમાં બોલિવૂડના મિસ્ટર પરફેક્શનિસ્ટ આમિર ખાને 10 વર્ષ પછી કપિલના શોમાં ભાગ લીધો હતો અને તેના જીવનના ઘણા રહસ્યો પણ જાહેર કર્યા હતા.