Hazal Kaya: ફેરિહા સીરિયલની આ ટર્કિશ હિરોઈનનો ફેવરીટ બોલીવુડ હિરો છે આમિર ખાન, જુઓ ફોટો

ટર્કિશ ટેલિવિઝન શ્રેણી 'ફેરિહા' (Adını Feriha Koydum) તેની ઉત્તમ વાર્તાના કારણે વિશ્વભરમાં ખૂબ જ લોકપ્રિય છે.

વર્ષ 2015માં ભારતમાં પણ તેનું ટેલિકાસ્ટ થયું હતું. જો કે હવે તે ટીવી પરથી બંધ થઈ ગઈ છે, પરંતુ તેનો ક્રેઝ લોકોમાં આજે પણ છે.

આ સીરિયલમાં ફેરીહાનું પાત્ર અભિનેત્રી 'હઝલ કાયા' દ્વારા ભજવવામાં આવ્યું હતું, જેને દુનિયાભરમાંથી ઘણો પ્રેમ મળ્યો હતો. ખાસ કરીને ભારતમાં લોકો તેના દિવાના બની ગયા હતા.

હેઝલ તુર્કીની જાણીતી અભિનેત્રી છે. વર્ષ 2006 માં, તેણીએ તુર્કી ટીવી શ્રેણી 'જેન્કો' થી તેની કારકિર્દીની શરૂઆત કરી, ત્યારબાદ તે ઘણી વધુ સિરીયલોમાં જોવા મળી.

જ્યારે તેની સીરિયલ 'ફેરિહા' વર્ષ 2011માં તુર્કીમાં ટેલિકાસ્ટ કરવામાં આવી હતી અને ત્યારબાદ તે અન્ય દેશોમાં રીલિઝ થઈ હતી, ત્યારે હેઝલ વિશ્વભરમાં ચર્ચામાં આવી હતી.

હેઝલ દેખાવમાં ખૂબ જ ગ્લેમરસ છે અને સુંદરતાના મામલે તે બોલિવૂડ સ્ટાર્સને ટક્કર આપે છે. જોકે તે બોલિવૂડ અભિનેત્રી દીપિકા પાદુકોણ અને પ્રિયંકા ચોપરાને ખૂબ પસંદ કરે છે.

2016માં જ્યારે તે ભારત આવી ત્યારે તેને બોલિવૂડમાં કામ કરવા અંગે પ્રશ્ન કરવામાં આવ્યો હતો. આ પ્રશ્નના જવાબમાં તેણે કહ્યું કે બોલિવૂડની ફિલ્મો લાજવાબ હોય છે. અમે અમારી ફિલ્મોમાં ગાઈ શકતા નથી અને નૃત્ય કરી શકતા નથી, જે હું બોલિવૂડમાં કરવા ઈચ્છું છું.

તે જ સમયે હેઝલે આમિર ખાનને પોતાનો ફેવરિટ એક્ટર ગણાવ્યો હતો. તેણે કહ્યું હતું કે તે ખૂબ જ શાર્પ એક્ટર છે, મને તેને મળવાનું, તેની સાથે કામ કરવાનું ગમશે.