Parenting Tips: સાવધાન,આપના બાળકની હાજરીમાં અન્યના બાળકની ન કરો પ્રશંસા ,થશે આ નેગેટિવ અસર

બાળકને બીજા બાળક સાથે સરખાવવું એ એક એવું વર્તન છે, જે બાળકને વધુ નકારાત્મક વિચારોથી ભરી દે છે. તેના ફાયદા ઓછા અથવા નગણ્ય છે અને ગેરફાયદા વધુ છે. જાણો શું બાળકના માનસ પર થાય છે નેગેરિટ ઇમ્પેક્ટ

સરખામણીને કારણે બાળકના મનમાં બીજા બાળક પ્રત્યે ઈર્ષ્યાની લાગણી જન્મે છે. જો ઘરમાં ભાઈ-બહેનની સરખામણી થાય તો બાળકો એકબીજાથી ચિડાઈ જવા લાગે છે. તેમને એકબીજાની સારી વાતો પણ ગમતી નથી.

જ્યારે માતા-પિતા બાળકોની સરખામણી કરે છે, ત્યારે બાળકો તેમના માતા-પિતા સાથે ખુલીને વાત કરી શકતા નથી, તેમને હંમેશા સરખામણી થવાનો ડર રહે છે, જેના કારણે તેઓ એકલતા અનુભવવા લાગે છે. અને પરિવાર અને માતા-પિતાથી અંતર વધવા લાગે છે.

બાળકોની પ્રતિભાને દબાવી દે છેઃ જ્યારે બાળકોની સરખામણી કરવામાં આવે છે, ત્યારે તેઓ તેમના કામમાં રસ દાખવતા નથી અને ઉદાસીન બની જાય છે, જેના કારણે તેમની અંદરની મોટી પ્રતિભાઓ પણ દબાઈ જાય છે અને તેજસ્વીle બહાર નથી આવી શકતા.

બાળકોમાં તણાવ ઉભો થાય છે: સરખામણીને કારણે, બાળકો ઘણીવાર વધુ સારું પ્રદર્શન કરવા માટે તણાવમાં આવે છે અને ખુલ્લા મનથી વિચારી શકતા નથી. સ્ટ્રેસને કારણે તેઓ એ કામ પણ બગાડે છે જે તેઓ વધુ સારી રીતે કરી શક્યા હોત.

તુલના થવાના કારણે બાળકોના મનમાં એવી ધારણા બંધાઇ જાય છે કે, તે અન્યથી કમજોર છે. આ ગ્રંથી કે મનોવલણ આગળ જતાં તેને આત્મવિશ્વાસ વિહોણુ બનાવે છે અને તેના કારણે તે ભવિષ્યમાં પણ સફળ થઇ શકતા નથી.