Chapati Sandwich: વધેલી રોટલીમાંથી બનાવી શકો છો આ ખાસ સેન્ડવીચ, નોંધી લો આ સરળ રેસિપી

જો લંચમાં રોટલી વધી બાકી હોય તો તમે અલગ પ્રકારનું ડિનર બનાવી શકો છો. આ રેસીપીનું નામ રોટી સ્પેશિયલ સેન્ડવીચની ફ્યુઝન રેસીપી છે. જે તમે સરળતાથી તરત જ બનાવી શકો છો.

આ માટે તમારે વધેલી રોટલી, શાકભાજી, મસાલા અને થોડી ચટણી જોઈએ. જેથી તેને સારી રીતે બનાવી શકાય. તમે તેને બાળકો અને વૃદ્ધો બંનેને પીરસી શકો છો.

જ્યારે પણ તમને ભૂખ લાગે ત્યારે તમે આ રેસીપી સરળતાથી સર્વ કરી શકો છો. જો તમે ડાયેટ પર હોવ તો પણ આ રેસીપી તમારા માટે બેસ્ટ છે. તમે તેને મેયોનેઝ સાથે ખાઈ શકો છો.

સૌપ્રથમ એક પેનમાં તેલ ગરમ કરો. ડુંગળી, કેપ્સીકમ અને મકાઈ ઉમેરો. તેને થોડીવાર માટે ફ્રાય કરો. હવે તેમાં આમચૂર પાવડર, ધાણા પાવડર, લાલ મરચું પાવડર અને મીઠું ઉમેરો. સારી રીતે મિક્સ કરી દો.

ત્યારબાદ મિશ્રણમાં બેથી ત્રણ ચમચી પાણી ઉમેરો. હવે છેલ્લે કોબી ઉમેરો અને ત્યારબાદ વધુ બે મિનિટ પકાવો અને ગેસ બંધ કરી દો. હવે વેજી મિશ્રણમાં ટોમેટો કેચપ અને મેયોનીઝ ઉમેરો અને હળવા હાથે મિક્સ કરો.

રોટલી પર મિશ્રણ ફેલાવીને રોટલી સેન્ડવીચ તૈયાર કરો. હવે ઉપર છીણેલું પનીર મૂકો અને રોટલીને અડધી ફોલ્ડ કરો. એક પેનમાં થોડું માખણ ગરમ કરો અને તેમાં તમારી તૈયાર કરેલી રોટલી સેન્ડવિચ મૂકો. બંને બાજુથી લાઈટ ગોલ્ડન બ્રાઉન થાય ત્યાં સુધી પકાવી લો.