Health Tips : આ આદત આપના પગના સ્વાસ્થ્ય માટે યોગ્ય નથી આજે જ બદલો

જો તમને તમારા પગમાં દુખાવો હોય અથવા પગ સંબંધિત કોઈ સમસ્યા હોય તો તેની પાછળ કેટલીક ખોટી આદતો જવાબદાર હોઈ શકે છે. આવી સ્થિતિમાં જાણી લો આ આદતો વિશે...

ઘણીવાર આપણે કેટલીક એવી આદતોનો શિકાર થઈ જઈએ છીએ, જેની ખરાબ અસર આપણા પગ પર પડે છે. આવી સ્થિતિમાં, આ ખરાબ ટેવો વિશે જાણવું મહત્વપૂર્ણ છે. એવી કઇ ટેવ છે. જે આપના પગના સ્વાસ્થ્યની દુશ્મન છે.

આવી કેટલીક આદતો છે જે આપણે બદલવાની જરૂર છે. આ આદતો પગને કઇ રીતે નુકસાન કરે છે તે આપણે જાણતા હોતા નથી પરંતુ વધતી ઉંમરે તે પરેશાની વધારી શકે છે.

ઘણીવાર લોકો આખો દિવસ એક જ જગ્યાએ બેસી રહે છે, પછી તે કામના કારણે હોય કે આળસને કારણે. આ સ્થિતિ તમારા પગને નુકસાન પહોંચાડે છે. જ્યારે તમે લાંબા સમય સુધી બેસો છો, તો તેનાથી લોહીનું પરિભ્રમણ ધીમુ થઈ જાય છે અને પગમાં પ્રવાહી જમા થવા લાગે છે, જેના કારણે તમારા પગમાં દુખાવો થવા લાગે છે.

કેટલાક લોકોને ક્રોસ કરીને બેસતા હોય છે. આ આદત પગ પર પણ નકારાત્મક અસર કરી શકે છે. આ પગની નસો પર વધુ દબાણ લાવે છે અને મણકાના દુખાવાનં કારણ બની શકે છે.

પગ પર પણ ધૂમ્રપાનથી નકારાત્મક અસર થાય છે. ધૂમ્રપાનને કારણે પગ સુધી ઓક્સિજન પહોંચતો નથી. આ સિવાય શરીરના પોષક તત્વો પણ ઓછા થવા લાગે છે જેના કારણે હાડકાં નબળા પડી જાય છે.

જ્યારે લોકો વધુ પડતી કસરત કરે છે, તો તેના કારણે પણ તેમના પગમાં દુખાવો થઈ શકે છે. વધુ પડતી કસરતને કારણે સ્નાયુઓ અને સાંધાઓ પર વધુ દબાણ આવે છે, જેના કારણે પગમાં દુખાવાની સમસ્યા થઈ શકે છે