ક્યા કેન્સરના કારણે સૌથી વધુ મહિલાઓના થઇ રહ્યા છે મોત?

કેન્સર એક એવો રોગ છે જે મહિલાઓના જીવનને ઘણી રીતે અસર કરે છે. સમગ્ર વિશ્વમાં મહિલાઓમાં કેન્સરના કેસ ઝડપથી વધી રહ્યા છે. ખાસ કરીને સ્તન કેન્સર એ સૌથી સામાન્ય કેન્સર છે જે સ્ત્રીઓને અસર કરે છે.

વૈશ્વિક સ્તરે સ્ત્રીઓમાં લગભગ દર છઠ્ઠા મૃત્યુ માટે કેન્સર જવાબદાર છે. ભારતમાં પણ સ્તન કેન્સર ગંભીર જાહેર આરોગ્ય સમસ્યા બની રહ્યું છે. 25 થી 40 વર્ષની સ્ત્રીઓમાં આ સૌથી સામાન્ય કેન્સર છે.

વિશ્વભરમાં મહિલાઓના મૃત્યુનું મુખ્ય કારણ કેન્સર છે. વૈશ્વિક સ્તરે લગભગ 12 ટકા સ્ત્રીઓને તેમના જીવનકાળમાં સ્તન કેન્સર થાય છે.

ભારતની વાત કરીએ તો છેલ્લા કેટલાક દાયકાઓમાં સ્તન કેન્સરના કેસમાં ઝડપથી વધારો થયો છે. ભારતીય મહિલાઓમાં સ્તન કેન્સર એ સૌથી સામાન્ય કેન્સર છે, જેમાં દર વર્ષે આશરે 1.5 થી 2 લાખ નવા કેસ નોંધાય છે.

મૃત્યુદરના સંદર્ભમાં ભારતમાં સ્તન કેન્સરથી મૃત્યુદર લગભગ 25 ટકા છે, જે વૈશ્વિક સ્તરે મૃત્યુની ટકાવારી કરતા ઓછો છે.

40 વર્ષની ઉંમર પછી દર બે વર્ષે મેમોગ્રાફી કરાવવાની સલાહ આપવામાં આવે છે. આ સ્તન કેન્સર શોધવા માટેની પ્રક્રિયા છે.