Health: ઓટ્સ ખાવાથી સ્વાસ્થ્યને પહોંચે છે આ જબરદસ્ત 5 ફાયદા, જાણો ક્યાં કારણે છે સ્વાસ્થ્ય અને સૌદર્યવર્ધક

ઓટ્સ આજે એક સામાન્ય નાસ્તો બની ગયો છે. તે બજારમાં સરળતાથી ઉપલબ્ધ છે અને તેને તૈયાર કરવામાં સમય પણ નથી લાગતો. આ જ કારણ છે કે મોટાભાગના લોકો તેને નાસ્તામાં ઓટસ ખાવાનું પસંદ કરે છે.

ઓટસ એક સુપરફૂડ જે તમારી તમામ સ્વાસ્થ્ય જરૂરિયાતોને પૂર્ણ કરે છે, જ્યારે તમે ભૂખ્યા હો ત્યારે તમને ઝડપી ભોજનની જરૂર હોય, નાસ્તાની જરૂર હોય અથવા નાસ્તો સાથે તમને દિવસ માટે ઉર્જા આપતી કોઈ વસ્તુની જરૂર હોય તો . ઓટ્સ એક હેલ્ધી ઓપ્શન છે.

ઓટ્સ પેટને લાંબા સમય સુધી ભરેલું રાખે છે. ઓટ્સ એ સૌથી આરોગ્યપ્રદ અનાજ છે, જે ફાઈબર, વિટામિન ઈ, ફેટી એસિડ અને અન્ય પોષક તત્વોથી ભરપૂર છે.

ઓટ્સમાં હાજર એન્ટી-ઓક્સિડન્ટ્સ હૃદયને સ્વસ્થ રાખવામાં મદદ કરે છે અને તેમાં હાજર ડાયેટરી ફાઈબર સારા કોલેસ્ટ્રોલને નુકસાન પહોંચાડ્યા વિના ખરાબ કોલેસ્ટ્રોલનું સ્તર ઘટાડે છે.

બ્લડ શુગર લેવલમાં વધારો એ ટાઇપ-2 ડાયાબિટીસનો સીધો સંકેત છે. સામાન્ય રીતે, આ ઇન્સ્યુલિન સંવેદનશીલતામાં ઘટાડો થવાને કારણે થાય છે. ખાસ કરીને જેઓ સ્થૂળતા અથવા ટાઇપ-2 ડાયાબિટીસથી પીડિત છે તેમના માટે ઓટ્સ મદદરૂપ સાબિત થઈ શકે છે.

નિષ્ણાતો દાવો કરે છે કે ઓટ્સમાં હાજર મેલાટોનિન અને જટિલ કાર્બોહાઇડ્રેટ્સ ટ્રિપ્ટોફેનની સંખ્યામાં વધારો કરે છે, જે મગજ સુધી પહોંચે છે અને સારી ઊંઘ લાવવામાં મદદ કરે છે.

ઓટ્સ દ્રાવ્ય અને અદ્રાવ્ય ફાઇબરનો ઉચ્ચ સ્ત્રોત છે, જે આંતરડાની ગતિને નિયંત્રિત કરવામાં મદદ કરે છે અને કબજિયાત અટકાવે છે. તમારા આહારમાં નિયમિતપણે ઓટ્સનો સમાવેશ કરીને કબજિયાતથી બચી શકાય છે.

ઓટ્સ ત્વચા માટે ફાયદાકારક છે-જો તમે તમારા ચહેરાની ક્રીમ અને લોશનના લેબલ વાંચો, તો તમને તેમાં ઓટમીલ જોવા મળશે. ઓટ્સ ડ્રાય સ્કિન, ખંજવાળ અને સોજામાં ખૂબ જ ફાયદાકારક છે. ઓટ્સની બરછટતા હળવા એક્સ્ફોલિયેટર તરીકે કામ કરે છે, જે સ્કિન માટે ઉત્તમ સાબિત થાય છે.