White Hair treatment: જીવનભર નહિ થાય વાળ સફેદ, બસ રૂટીનમાં આ આદતને કરો સામેલ

આધુનિક જીવનશૈલીમાં નાની ઉંમરમાં જ વાળ સફેદ થવા લાગે છે પરંતુ જીવનશૈલીમાં થોડો ફેરફાર કરીને આ સમસ્યાના દૂર કરી શકાય છે. જો નાનપણથી જ હેલ્ધી ડાયટ પર ધ્યાન આપવામાં આવે તો તે શક્ય છે.

આજકાલ નાની ઉંમરે વાળ સફેદ થવા સામાન્ય બાબત છે. 30 વર્ષની ઉંમરે પહોંચતાં જ વાળ સફેદ થવા લાગે છે. જો કે અકાળે વાળ સફેદ થવા પાછળ અનેક કારણો જવાબદાર છે.

પહેલું કારણ આનુવંશિક છે, એટલે કે જો માતા-પિતા, દાદા-દાદી, માતા-પિતા-દાદીને અકાળે વાળ સફેદ થતાં હો તો પણ આપને આ સમસ્યા ભોગવી પડે છે. બીજા પણ અન્ય કારણો જવાબદાર છે.

જંકફૂડ અને ફાસ્ટફૂડનું વધુ સેવન સહિત પણ વ્હાઇટ હેરનું કારણ બને છે. ઉપરાંત બેઠાડું જીવન પણ સફેદ વાળ માટે કારણભૂત છે.

સામાન્ય રીતે નાની ઉંમરે વાળ સફેદ થવાનું કારણ મેલાનિન હોય છે. મેલાનિન એક રંગદ્રવ્ય છે. એટલે કે મેલાનિનના કારણે વાળનો રંગ કાળો થઈ જાય છે. મેલાનિન એક રંગદ્રવ્ય છે જે આંખો, વાળ અને ત્વચાનો રંગ અને ગ્લોઇંગ રાખે છે. જ્યારે શરીરમાં મેલાનિન ઓછું હોય અથવા મેલાનિનની ઉણપ હોય તો વાળનો રંગ સફેદ થવા લાગે છે. શરીરમાં જેટલું વધુ મેલાનિન હશે, વાળનો રંગ તેટલો ઘાટો હશે.

નાની ઉંમરે વાળને સફેદ થતા અટકાવવા માટે આહારમાં એન્ટીઓક્સીડેન્ટથી ભરપૂર ખોરાકનો સમાવેશ કરવો પડે છે. વિટામિન B12 ની ઉણપના કારણે પણ વાળ સફેદ થઇ જાય છે.તેથી, તમારા આહારમાં વિટામિન B12 સમૃદ્ધ ખોરાકનો સમાવેશ કરો. વિટામિન B12 ની ઉણપ આખું અનાજ અથવા અંકુરિત, ડેરી ઉત્પાદનો, લીલા પાંદડાવાળા શાકભાજી, વગેરે દ્વારા પૂરી કરી શકાય છે.

કેટલીક પદ્ધતિઓ અપનાવીને શરીરમાં મેલાનિન વધારી શકાય છે. કેટલાક આવશ્યક તેલ છે જેનો ઉપયોગ મેલાનિન વધારવા અને વાળને સફેદ થતા અટકાવવા માટે કરી શકાય છે. પરંતુ આ માટે એકલું તેલ પૂરતું નથી. વાળને સફેદ થતા અટકાવવા માટે સ્વસ્થ આહાર પણ જરૂરી છે

આ સિવાય વિટામિન સી, ડી અને ઈ પણ જરૂરી છે. આ માટે નારંગી, આમળા, પાલક, બેરી, સ્ટ્રોબેરી, ગાજર, ટુના ફિશ, સૂર્યમુખીના બીજ, રાગી, અળસીના બીજ, કોળાના બીજ વગેરેનું સેવન કરવું જોઈએ.