ચોમાસામાં વાળ ખરે છે ? અપનાવો આ 4 ઘરેલુ ઉપાય, સમસ્યાથી જલ્દી મળશે છુટકારો

ચોમાસામાં ઘણા લોકોને વાળ ખરવાની સમસ્યાનો સામનો કરવો પડે છે. કારણ કે હવામાં રહેલ ભેજ માથાની ચામડીને ઓઈલી બનાવે છે, જેના કારણે તમારા વાળમાં ઓઈલી હોય તેમ લાગે છે.

વાળમાંથી ઓઈલ દૂર કરવા માટે તમે અઠવાડિયામાં ઘણી વખત વાળ ધોશો, જેના કારણે વાળ નિર્જીવ થઈ જાય છે અને ખરવા લાગે છે. વાળ ખરવાના અન્ય કારણોમાં પ્રદૂષણ, બિનઆરોગ્યપ્રદ ખોરાક અને વધુ પડતા તણાવનો સમાવેશ થાય છે.

જો તમે પણ ચોમાસામાં વધુ પડતા વરસાદને કારણે વાળ ખરવાની સમસ્યાનો સામનો કરી રહ્યા છો તો આજે અમે તમને એવા જ કેટલાક ઘરગથ્થુ ઉપાયો જણાવવા જઈ રહ્યા છીએ, જેનો ઉપયોગ કરીને તમે ખરતા વાળને ઘટાડી શકો છો.

તમે વાળ ખરવા માટે લીમડાના પાનનો પણ ઉપયોગ કરી શકો છો. કારણ કે તે વાળના મૂળને મજબૂત કરવામાં અને વાળ ખરતા અટકાવવામાં મદદ કરે છે.

તમે વાળ ખરવા માટે પાલકનો પણ ઉપયોગ કરી શકો છો. તેમાં વિટામિન B, C, E, ઓમેગા-3 ફેટી એસિડ અને આયર્ન મળી આવે છે. આયર્ન માથાની ચામડીમાં ઓક્સિજન પહોંચાડવાનું કામ કરે છે અને વાળને મજબૂત બનાવે છે.

નાળિયેર તેલ વાળ ખરતા પણ રોકી શકે છે. કારણ કે તેમાં લૌરિક એસિડની હાજરી જોવા મળે છે. તે વાળના મૂળને પોષણ આપે છે અને તેમને તૂટતા અટકાવે છે.

મેથી વાળ કરતા અટકાવવામાં અને તેની વૃદ્ધિમાં પણ મદદરૂપ સાબિત થઈ શકે છે. આમાં નિકોટિનિક એસિડ અને પ્રોટીનની હાજરી જોવા મળે છે, જે વાળને ખરતા અટકાવવામાં મદદ કરે છે.