Amabani Parents: નીતા અંબાણી તેમના બાળકોને આ કારણે માત્ર 5 રૂપિયા આપતા હતા પોકેટ મની

દેશના જાણીતા ઉદ્યોગપતિ મુકેશ અંબાણી અને તેમની પત્ની નીતા અંબાણી ખૂબ જ ભવ્ય જીવન જીવે છે. જો કે, આ બંનેએ તેમના બાળકોનો ઉછેર ખૂબ જ સાદગીથી અને ડાઉન ટૂ અર્થ રહીને કર્યો છે

મુકેશ અંબાણી અને નીતા અંબાણીના બાળકોની સ્કૂલ પોકેટ મની, જે એટલી ઓછી હતી કે તમે વાંચીને પણ વિશ્વાસ નહિ કરો.

તમે વિચારતા જ હશો કે દેશના સૌથી ધનિક બિઝનેસમેનના બાળકો માટે પોકેટ મનીની શું જરૂર છે. પરંતુ એવું બિલકુલ નથી.આઈડીડબ્લ્યુએને આપેલા એક ઈન્ટરવ્યુમાં નીતા અંબાણીએ કહ્યું હતું કે તે દરરોજ 5 રૂપિયા પોકેટ મની આપીને બાળકોને શાળાએ મોકલતી હતી.

આ વાંચીને તમને તમારી આંખો પર વિશ્વાસ નહીં થાય, પરંતુ આ સાચું છે. નીતા અંબાણી ઈચ્છતા હતા કે તેમના બાળકો પૈસાની કિંમત સમજે, તેથી તેઓ પોકેટ મનીમાં દરરોજ માત્ર 5 રૂપિયા જ આપતા હતા.

ઈન્ટરવ્યુ દરમિયાન નીતા અંબાણીએ એક રમુજી કિસ્સો પણ સંભળાવ્યો જ્યારે તેનો નાનો પુત્ર અનંત અંબાણી તેના બેડરૂમમાં આવ્યો અને તેના માતા-પિતા પાસેથી 5 રૂપિયાને બદલે 10 રૂપિયાની માંગણી કરી હતી.

નીતાએ કહ્યું, 'અનંત અમારા રૂમમાં આવ્યો અને 10 રૂપિયાની માંગ કરવા લાગ્યો. જ્યારે મેં પૂછ્યું કે આવું કેમ તો તેણે કહ્યું કે જ્યારે પણ તે સ્કૂલમાં પોતાના ખિસ્સામાંથી 5 રૂપિયા કાઢે છે ત્યારે બાળકો તેની પર હસીને કહે છે કે તમે અંબાણી છો કે ભિખારી છો. અનંતની વાત સાંભળીને અમે બંને ખૂબ હસ્યા.

આ ઈન્ટરવ્યુમાં નીતા અંબાણીએ એ પણ કહ્યું હતું કે, તેમના ઘરનો સ્ટાફ તેમને મેમ કે મિસિસ અંબાણી નહીં પરંતુ ભાભી કહીને બોલાવે છે.