Bank Locker Rules: બેન્કમાં લેવા જઇ રહ્યા છો Bank Locker, તો જાણી લો આ જરૂરી નિયમો

શું તમે જાણો છો કે જો લોકરમાં રાખેલી વસ્તુઓ ગુમ થઈ જાય તો તમારા અધિકારો શું છે? તાજેતરમાં, ભારતીય રિઝર્વ બેંક (RBI) એ લોકરના નિયમોમાં કેટલાક મોટા ફેરફારો કર્યા છે.

ઘણીવાર આપણે બધા આપણા કિંમતી દાગીના અને ઘરના મહત્વપૂર્ણ દસ્તાવેજો બેંકના લોકરમાં રાખવાનું પસંદ કરીએ છીએ. આનાથી દાગીના ખોવાઈ જવાની કે ચોરાઈ જવાની શક્યતા ઘણી ઓછી થઈ જાય છે. જો તમે પણ બેંકમાં લોકર લીધું છે અથવા તેને લેવાનું વિચારી રહ્યા છો, તો તેના સંબંધિત મહત્વપૂર્ણ નિયમો ચોક્કસપણે જાણી લો.

શું તમે જાણો છો કે જો લોકરમાં રાખેલી વસ્તુઓ ગુમ થઈ જાય તો તમારો શું અધિકાર છે? તાજેતરમાં ભારતીય રિઝર્વ બેંક (RBI) એ લોકરના નિયમોમાં કેટલાક મોટા ફેરફારો કર્યા છે. આ મુજબ જો લોકરમાં રાખેલો સામાન કોઈપણ બેંકમાંથી ગુમ થાય છે તો તેની જવાબદારી તે બેંકની રહેશે.

આવી સ્થિતિમાં બેંકે ગ્રાહકના ચોરાયેલા સામાન માટે 100 ગણા સુધી વળતર ચૂકવવું પડશે. રિઝર્વ બેંકે આ નવા લોકર નિયમો 1 જાન્યુઆરી, 2022થી લાગુ કર્યા છે.

આરબીઆઈના આ નિયમો લાવવા પાછળનું કારણ એ છે કે પહેલા બેંકો લોકરમાંથી ગુમ થયેલી કોઈપણ વસ્તુની જવાબદારી લેતી નહોતી. પરંતુ હવે તેઓ આવું કરી શકશે નહીં.

આરબીઆઈએ આદેશ આપ્યો છે કે બેંકોએ તેમની શાખાઓની બહાર ખાલી લોકરની યાદી વિશે પણ માહિતી આપવી પડશે. આ સાથે લોકર વેઇટિંગ લિસ્ટ પણ દર્શાવવું પડશે. ગ્રાહકોને આ તમામ માહિતી મેળવવાનો અધિકાર રહેશે.

તેની સાથે જ હવે તમામ લોકરના ગ્રાહકોને આ સંબંધિત માહિતી ઈમેલ અને મેસેજ દ્વારા મોકલવામાં આવશે. બેંકો ગ્રાહકો પાસેથી મેઇન્ટેનન્સ ચાર્જ સિવાય 6000 રૂપિયાથી વધુ વસૂલ કરી શકતી નથી.

આ સાથે તમામ લોકર રૂમમાં સીસીટીવી હોવા જરૂરી છે. આ સાથે RBIએ બેંકોને 180 દિવસ સુધી ડેટા સુરક્ષિત રાખવાનો આદેશ આપ્યો છે.