કાર્ડ વગર પણ ATM માંથી ઉપાડી શકાય છે રૂપિયા, આ છે રીત

તમે ATM કાર્ડ વગર કેવી રીતે રોકડ ઉપાડી શકો છો. આ માટે, તમારા ખિસ્સામાં તમારો ફોન હોવો જોઈએ, તમારી પાસે કોઈપણ UPI એપ જેવી કે BHIM, Paytm, Google Pay, Phone Pay વગેરે તમારા ફોનમાં હોવી જોઈએ. જો આ બધું હોય તો તમે એટીએમમાં જઈ શકો છો.

સૌથી પહેલા ATM પર જાઓ અને કાર્ડ વગર પૈસા ઉપાડવાનો વિકલ્પ પસંદ કરો.

આ પછી તમારે UPI દ્વારા તમારી ઓળખ કરવી પડશે, તમારી UPI એપ ખોલવી પડશે અને દેખાતા QR કોડને સ્કેન કરવો પડશે.

તમને UPI દ્વારા પ્રમાણિત કરવામાં આવશે અને તે પછી તમે તમારી રોકડ ઉપાડી શકશો.

UPIમાંથી રોકડ ઉપાડવાની આ પદ્ધતિ પણ એકદમ સલામત છે. રિઝર્વ બેંક ઓફ ઈન્ડિયાએ પણ કહ્યું છે કે એટીએમ કાર્ડ વગર રોકડ ઉપાડવી સલામત છે, આ કારણે તમારું કાર્ડ ક્લોન થઈ શકતું નથી.

આનો અર્થ એ છે કે તમે છેતરપિંડીથી બચી શકો છો. હવે જો તમને ક્યારેય રોકડની જરૂર પડે તો એટીએમને ખિસ્સામાં રાખવાની જરૂર નથી, આ કામ તમે તમારા ફોનથી જ કરી શકો છો.