1000, 2000, 3000 અને 5,000 રુપિયાની SIPથી કેટલા વર્ષમાં બનશો કરોડપતિ? સમજો ગણિત

આજના સમયમાં કરોડપતિ બનવું કદાચ દરેક વ્યક્તિનું સપનું હશે, જેને પૂર્ણ કરવા માટે લોકો વિવિધ પ્રકારની રોકાણ પદ્ધતિઓ અપનાવી રહ્યા છે. કોઈ સરકારી યોજનાઓમાં રોકાણ કરીને વધુ સુરક્ષા સાથે આ લક્ષ્ય હાંસલ કરવા માંગે છે, તો કોઈ વધુ જોખમ લઈને ઓછા સમયમાં કરોડપતિ બનવાનું સપનું જુએ છે. જો કે, SIP એ એક એવું માધ્યમ છે જે ઓછા જોખમ અને થોડા સમય સાથે કરોડપતિ બનવાનું તમારું સપનું પૂરું કરી શકે છે.

SIP એ મ્યુચ્યુઅલ ફંડમાં રોકાણ કરવાની સારી રીત છે. આ હેઠળ, એક નિશ્ચિત રકમ દર મહિને આપમેળે ડેબિટ થાય છે, જેથી તમારે દર વખતે જમા કરાવવાની ચિંતા ન કરવી પડે. SIP ભારતીય રોકાણકારોમાં લોકપ્રિય છે. ડિસેમ્બરમાં જ મ્યુચ્યુઅલ ફંડ ફોલિયો વધીને 22.50 કરોડ થયો હતો.

જો તમે 10 ટકા વાર્ષિક સ્ટેપ અપ સાથે માસિક રૂ. 1000નું રોકાણ કરો છો અને વાર્ષિક સરેરાશ 12 ટકા વળતરની અપેક્ષા રાખો છો, તો તમે 31 વર્ષમાં રૂ. 1.02 કરોડ જમા કરી શકો છો. આમાં તમારું કુલ રોકાણ રૂ. 21.83 લાખ હશે અને બાકીના રૂ. 79.95 લાખ રિટર્નમાંથી આવશે.

જો તમે દર મહિને રૂ. 2000ની SIP શરૂ કરો છો અને વાર્ષિક 10%ના દરે તમારા રોકાણમાં વધારો કરો છો, તો 27 વર્ષમાં તમારી પાસે રૂ. 1.15 કરોડ હશે. જો કે, 12 ટકા વળતર મેળવવું મહત્વપૂર્ણ છે. આમાં કુલ રોકાણ રૂ. 29.06 લાખ હશે, જ્યારે વળતરમાંથી પ્રાપ્ત કોર્પસ રૂ. 85.69 લાખ હશે.

જો કોઈ વ્યક્તિ 3000 રૂપિયાના માસિક રોકાણ સાથે SIP શરૂ કરે છે અને તેમાં દર વર્ષે 10 ટકાનો વધારો કરે છે, તો 12 ટકા વાર્ષિક વળતર પર, 24 વર્ષમાં 1.10 કરોડ રૂપિયા એકઠા થશે. આમાં રોકાણ કરાયેલ કુલ રકમ 31.86 લાખ રૂપિયા હશે, જ્યારે રિટર્નમાંથી આવક 78.61 લાખ રૂપિયા થશે.

જો કોઈ વ્યક્તિ 5,000 રૂપિયાની માસિક SIP કરે છે અને દર વર્ષે તેમાં 10 ટકાનો વધારો કરે છે, તો 21 વર્ષ પછી તેની પાસે 1.16 કરોડ રૂપિયા એકઠા થશે. જો કે દર વર્ષે 12 ટકા વળતર મળે તો જ આ લક્ષ્યાંક હાંસલ થશે. આમાં કુલ રોકાણ રૂ. 38.40 લાખ થશે અને વળતરની આવક રૂ. 77.96 લાખ થશે.

Disclaimer: (અહીં આપેલી જાણકારી ફક્ત માહિતી માટે જ આપવામાં આવી રહી છે. અહીં એ નોંધવું જરૂરી છે કે બજારમાં રોકાણ બજારના જોખમોને આધીન છે. રોકાણકાર તરીકે નાણાંનું રોકાણ કરતા પહેલા હંમેશા નિષ્ણાતની સલાહ લો. ABPLive.com અહીં ક્યારેય કોઈને નાણાંનું રોકાણ કરવાની સલાહ આપતું નથી.)