Income Tax Return: ઇન્કમ ટેક્સ રિટર્ન ફાઇલ કરતાં સમયે થઇ જાય છે આ કૉમન ભૂલો, રાખો આ વાતોનું ધ્યાન

ITR Filing: જો તમે આવકવેરા રિટર્ન ફાઈલ કરવા જઈ રહ્યાં છો તો કેટલીક સામાન્ય ભૂલો કરવાનું જરૂર ટાળો. જાણો તે કંઇ છે. નાણાકીય વર્ષ 2023-24 અને મૂલ્યાંકન વર્ષ 2024-25 માટે દંડ વિના ITR ફાઈલ કરવાની અંતિમ તારીખ 31 જુલાઈના રોજ સમાપ્ત થઈ રહી છે. આવી સ્થિતિમાં, જો તમે આવકવેરા રિટર્ન ફાઇલ કરી રહ્યાં છો, તો કેટલીક સામાન્ય ભૂલો કરવાથી બચો. જાણો

31 જુલાઈ સુધીમાં ITR ફાઈલ કરો, નહીં તો તમારે 1,000 રૂપિયાથી લઈને 3,000 રૂપિયા સુધીની પેનલ્ટી ચૂકવવી પડી શકે છે.

PAN નંબર, બેંક વિગતો વગેરે જેવી ખોટી વ્યક્તિગત વિગતો તમારા રિટર્નને નકારવા અથવા રિફંડમાં વિલંબ તરફ દોરી શકે છે.

ધ્યાનમાં રાખો કે વિવિધ કરદાતાઓ માટે અલગ-અલગ ITR ફોર્મ છે. જો તમે ખોટું ITR ફોર્મ ભરો છો, તો તમારે ફરીથી રિટર્ન ફાઇલ કરવું પડશે. ઉદાહરણ તરીકે, ITR-1 પગારદાર વર્ગના લોકો માટે છે. જ્યારે ITR 4 વ્યાવસાયિકો અને નાના વેપારીઓ માટે છે.

બચત ખાતામાંથી વ્યાજ, એફડી અને ભાડું વગેરે જેવી તમારી આવકના વિવિધ સ્ત્રોતો વિશેની માહિતી છુપાવવી એ એક સામાન્ય ભૂલ છે. આ પ્રકારની ભૂલ કરવાથી બચો.

ફોર્મ 26AS ને અવગણવાની ભૂલ ના કરો. આ તમને ટીડીએસની યોગ્ય ગણતરી કરવામાં મદદ કરશે અને ભવિષ્યમાં ભૂલો થવાની શક્યતાઓ ઘટાડશે.

ITR ની ચકાસણી ના કરવી એ બહુ સામાન્ય ભૂલ છે. ઈ-વેરિફિકેશન વિના ઈન્કમ ટેક્સ રિટર્નની પ્રક્રિયા પૂર્ણ માનવામાં આવતી નથી. રિટર્ન ફાઈલ કર્યા બાદ ઈ-વેરિફિકેશન પૂર્ણ કરવું જરૂરી છે.