IRCTC Tour: ફક્ત આટલા રૂપિયામાં ફરી આવો થાઇલેન્ડ, IRCTC લાવ્યું એક સ્પેશ્યલ ટૂર પેકેજ

Thailand Tour: થાઈલેન્ડ વિશ્વનું એક મુખ્ય પ્રવાસન સ્થળ છે. તે દક્ષિણ-પૂર્વ એશિયામાં સ્થિત છે. અહીં દર વર્ષે લાખો પ્રવાસીઓ મુલાકાત લેવા આવે છે.

થાઈલેન્ડ તેની પ્રાકૃતિક સુંદરતા અને ઐતિહાસિક સ્થળો માટે જાણીતું છે. જો તમે પણ આ જગ્યાએ ફરવાનું વિચારી રહ્યા છો, તો IRCTC તમારા માટે એક ખાસ પેકેજ લઈને આવ્યું છે.

આ ટૂર પેકેજ દ્વારા તમે માત્ર રૂ.55,000માં થાઈલેન્ડની આખી સફરનો આનંદ માણી શકો છો. આ પેકેજ ઉત્તર પ્રદેશની રાજધાની લખનઉથી શરૂ થશે.

આ પેકેજ 6 દિવસ અને 5 રાતનું હશે. આ પ્રવાસ 28 જુલાઈથી શરૂ થશે અને 2 ઓગસ્ટ સુધી ચાલશે.

આ પેકેજમાં તમને નાસ્તો, લંચ અને ડિનરની સુવિધા મળશે. આ સાથે દરેકને ટૂર મેનેજર પણ મળશે.

આ પેકેજમાં તમને પટાયા અને બેંગકોકમાં ફરવાની તક મળશે. આમાં તમને લખનઉથી બેંગકોકની ફ્લાઈટની સુવિધા પણ મળશે.

અહીં તમને ઘણા બીચ અને બૌદ્ધ મંદિરોમાં ફરવાની તક મળશે. જો તમે પણ આ પેકેજનો આનંદ માણવા માંગો છો, તો તમારે એકલા પ્રવાસ માટે 64,300 રૂપિયા, બે લોકો માટે 55,200 રૂપિયા અને ત્રણ લોકો માટે 55,200 રૂપિયા ચૂકવવા પડશે.