Fastag Rules: ફાસ્ટેગ યૂઝ કરતાં આ લોકોને મળે છે કેશબેક, આ નિયમ નહીં જાણતા હો તમે

કોઈપણ કાર કે ફોર વ્હીલર માટે ફાસ્ટેગ સ્ટીકર જરૂરી છે, જો તમે ફાસ્ટેગ વગર કોઈપણ ટોલ પ્લાઝા પરથી પસાર થશો તો તમારે બમણો દંડ ભરવો પડશે. એટલે કે જો ટોલ પ્લાઝા પર ટેક્સ 200 રૂપિયા છે તો તમારે 400 રૂપિયા ચૂકવવા પડશે.

ફાસ્ટેગના ઉપયોગ અને ખરીદી માટે ઘણા નિયમો બનાવવામાં આવ્યા છે. તમે લગભગ 32 બેંકોમાંથી ફાસ્ટેગ બનાવી શકો છો.

ફાસ્ટેગ સ્ટીકર બનાવવા માટે લગભગ 400 થી 500 રૂપિયાનો ખર્ચ થાય છે, જેમાંથી 200 રૂપિયા રિફંડેબલ છે. ફાસ્ટેગ બનાવ્યા પછી, તમારે તેને રિચાર્જ કરવું પડશે, બેલેન્સ વિના તમે ટોલ પ્લાઝા પર અટવાઈ શકો છો.

હવે વાત કરીએ કેશબેકના નિયમની, નેશનલ હાઈવે ઓથોરિટી ઓફ ઈન્ડિયા એટલે કે NHAI દ્વારા કહેવામાં આવ્યું છે કે જો કોઈનું ઘર ટોલ પ્લાઝાથી 10 કિલોમીટરના વિસ્તારમાં છે, તો આવી સ્થિતિમાં તેને ટોલના પૈસા પાછા આપવામાં આવે છે. આ કેશબેક ફાસ્ટેગમાં જ જમા થાય છે.

જ્યારે ફાસ્ટેગ લોન્ચ કરવામાં આવ્યું ત્યારે NHAI દ્વારા તેને પ્રમોટ કરવા માટે 2.5 ટકા કેશબેક ઓફર કરવામાં આવ્યું હતું. આ સિવાય હવે ઘણી UPI એપ્સ ફાસ્ટેગ રિચાર્જ પર વિવિધ પ્રકારની કેશબેક ઓફર પણ આપે છે. આજે લગભગ દરેક વ્યક્તિ ફાસ્ટેગનો ઉપયોગ કરે છે અને તેના દ્વારા જ પોતાનો ટોલ ટેક્સ ચૂકવે છે. આ પહેલા કરતા ઘણી સરળ અને સમય બચત સિસ્ટમ છે.

image 6ફાસ્ટેગને લઈને નિયમોમાં કેટલાક ફેરફાર કરવામાં આવી રહ્યા છે, જેમાં હવે કોઈ એકથી વધુ ફાસ્ટેગનો ઉપયોગ કરી શકશે નહીં. જો તમારા નામે બે ફાસ્ટેગ છે, તો તેમાંથી એક નિષ્ક્રિય થઈ જશે. હવે ફાસ્ટેગ કેવાયસી હોવું ફરજિયાત કરવામાં આવ્યું છે. આના વિના ફાસ્ટેગ કામ નહીં કરે.

સરકારે કહ્યું છે કે ટૂંક સમયમાં સેટેલાઇટ ટોલ સિસ્ટમ લાગુ કરવામાં આવશે, જેમાં તમે ટોલ પ્લાઝા પરથી પસાર થતાની સાથે જ ખાતામાંથી પૈસા આપોઆપ કપાઈ જશે.