Heat Wave: ગરમી વધી... દિવસે જ નહીં રાત્રે પણ આવી શકે છે હીટ સ્ટ્રૉક, સ્ટડીમાં થયો ખુલાસો

Heat Wave: હાર્વર્ડના એક રિસર્ચ મુજબ તાપમાનમાં વધારાને કારણે સ્ટ્રૉકના કારણે મૃત્યુ પામનારાઓની સંખ્યા દિવસેને દિવસે વધી રહી છે. ઉચ્ચ આવક ધરાવતા દેશો કરતાં ઓછી આવક ધરાવતા દેશોમાં આ જોખમ વધારે છે.

આ સંશોધનમાં એ વાત પણ સામે આવી છે કે 25 દેશોમાં લાખો લોકો સ્ટ્રૉકના કારણે મૃત્યુ પામ્યા છે. એક યૂરોપિયન રિસર્ચ અનુસાર, રાત્રે ગરમીને કારણે વૃદ્ધ લોકો અને મહિલાઓમાં સ્ટ્રૉકનું જોખમ વધી જાય છે.

ઇસ્કેમિક સ્ટ્રૉકથી આશરે 3.4 મિલિયન મૃત્યુ અને હેમરેજિક સ્ટ્રોકથી 2.4 મિલિયન મૃત્યુનું વિશ્લેષણ કરવામાં આવ્યું હતું. ઇસ્કેમિક સ્ટ્રોક મગજમાં રક્ત પરિભ્રમણમાં ખલેલ પેદા કરે છે.

અત્યંત ઠંડી અથવા અતિશય ગરમીના સંપર્કમાં આવવાથી ઇસ્કેમિક સ્ટ્રૉકનું જોખમ નોંધપાત્ર રીતે વધે છે.

યુરોપિયન દેશોમાં રાત્રે ગરમીને કારણે સ્ટ્રોકનું જોખમ નોંધપાત્ર રીતે વધી જાય છે. 15 વર્ષમાં અંદાજે 11 હજાર સ્ટ્રોક પર ડેટા તૈયાર કરવામાં આવ્યો હતો.

સંશોધકોએ એ પણ દર્શાવ્યું હતું કે 2006-2012ના સમયગાળાની સરખામણીમાં 2013-2020ના સમયગાળામાં રાત્રે ઊંચા તાપમાન સાથે સંકળાયેલા સ્ટ્રૉકનું જોખમ નોંધપાત્ર રીતે વધ્યું હતું.

લેખકોએ શોધી કાઢ્યું કે 2006 થી 2012 સુધી ગરમ રાત્રિએ અભ્યાસના ક્ષેત્રમાં સ્ટ્રોકની ઘટનાઓમાં વધારો કર્યો. જ્યારે 2013 થી 2020 સુધી દર વર્ષે 33 વધારાના કેસ નોંધાયા હતા.