Navratri 2023: પરંપરાગત વેશભૂષામાં મહેર સમાજની મહિલાઓએ બોલાવી ગરબાની રમઝટ, જુઓ તસવીરો

Navratri 2023: આજે સમગ્ર રાજ્યમાં પાંચમું નોરતું ધૂમધામથી મનાવવામાં આવી રહ્યુ છે. સૌ કોઈ ખેલાયાઓ ગરબાની રમઝટ બોલાવી રહ્યા છે.

તો બીજી તરફ પોરબંદરમાં શ્રી ઈન્ટરનેશનલ મહેર સુપ્રિમ કાઉન્સીલ દ્વારા નવરાત્રિ રાસોત્સવ 2023નું આયોજન કરવામાં આવ્યું હતું.

જેમાં પરંપરાગત વેશભૂષામાં મહેર સમાજની મહિલાઓએ માના ગરબા લીધી હતા.

શેરી ગરબીઓે અને કેટલીક ખાનગી ગરબીઓનો બાદ કરતા નવરાત્રિના તહેવારમાં આજે પ્રાચીન ગરબાઓ ભાગ્યે જ કોઈ જગ્યા જોવા મળે છે.

જો કે, પોરબંદરમાં મહેર સમાજે આજે પણ તેમની સંસ્કૃતિ જાળવી રાખી છે.

પોરબંદરમાં નાની બાળકીઓથી લઈને તમામ મહિલાઓએ પરંપરાગત વેષભુષા સાથે માતાના ગરબા લીધા હતા.

પોરબંદરમાં વર્ષોછી મહિલાઓ પારંપરીક વસ્ત્રોની સાથે લાખો રૂપિયાના સોનાના દાગીનાથી સજ્જ થઈને મહેરના ગરબા રમે છે.

શ્રી ઈન્ટરનેશનલ મહેર સુપ્રિમ કાઉન્સીલ દ્વારા છેલ્લા 24 વર્ષથી પોરબંદરના ચોપાટી મેદાન પર મેર સમાજના લોકો માટે નવરાત્રિનુ આયોજન કરાય છે.

પોરબંદરમાં પાંચમા નોરતે મહેર સમાજના પારંપરીક પોશાક પહેરીને જ મહિલા અને પુરુષો રમે તે પ્રકારનુ આયોજન કરવામાં આવે છે

અહી પાંચમાં નોરતે આજે પણ આપણી પરંપરાગત જે જુના ગરબાઓ છે તેની ઝલક જોઈ શકાય છે