Har Ghar Tiranga: અમિત શાહે દિલ્હીમાં તેમના નિવાસ સ્થાને ફરકાવ્યો તિરંગો, લોકોને કરી આ અપીલ

શાહે દેશવાસીઓને આઝાદી કા અમૃત મહોત્સવ દરમિયાન તેમના ઘરેથી ત્રિરંગો લહેરાવીને વડા પ્રધાન નરેન્દ્ર મોદી દ્વારા શરૂ કરાયેલ 'હર ઘર તિરંગા' અભિયાનમાં જોડાવા માટે આહ્વાન કર્યું હતું.

અમિત શાહની સાથે તેમના પત્ની પણ હાજર રહ્યા હતા. આઝાદી કા અમૃત મહોત્સવના નેજા હેઠળ, ભારતની આઝાદીના 75મા વર્ષની ઉજવણીમાં લોકોને ત્રિરંગો ઘરે લાવવા અને તેને ફરકાવવા પ્રોત્સાહિત કરવા માટે 'હર ઘર તિરંગા' અભિયાન આજથી શરૂ થયું છે.

'હર ઘર તિરંગા' એ આઝાદી કા અમૃત મહોત્સવના નેજા હેઠળ એક અભિયાન છે જે લોકોને ભારતની આઝાદીના 75માં વર્ષ નિમિત્તે ત્રિરંગો ઘરે લાવવા અને તેને ફરકાવવા પ્રોત્સાહિત કરે છે.

આ કાર્યક્રમ દરેક જગ્યાએ ભારતીયોને તેમના ઘરોમાં રાષ્ટ્રધ્વજ ફરકાવવા માટે પ્રેરિત કરવાની પરિકલ્પના કરે છે. કાર્યક્રમનો ઉદ્દેશ્ય રાષ્ટ્રધ્વજ સાથેના જોડાણને ઔપચારિક કે સંસ્થાકીય રાખવાને બદલે તેને વધુ વ્યક્તિગત બનાવવાનો છે.

તમામ તસવીર સૌજન્યઃ એએનઆઈ