Ayodhya Ramlala: બીજા દિવસનો શ્રૃંગાર, માથા પર મુગટ, ગળામાં માળા, આવા દેખાતા હતા રામલલા

અભિષેક બાદ રામલલાની ઝલક સામે આવી છે. જે તસવીર સામે આવી છે તેમાં પાંચ વર્ષના રામલલાનો દેખાવ ખૂબ જ આકર્ષક અને આંખોને આનંદ આપનારો છે.

મંદિર ટ્રસ્ટ અનુસાર, ભગવાન રામની 200 કિલોની મૂર્તિને 5 કિલો સોનાના ઘરેણાંથી શણગારવામાં આવી છે.

ભગવાન રામને માથાથી પગના નખ સુધી દિવ્ય આભૂષણોથી શણગારવામાં આવ્યા છે. આ ઉપરાંત રામલલાએ પણ પોતાના માથા પર ખૂબ જ સુંદર અને દિવ્ય મુગટ પહેરેલ છે.

રામલલાના આ દિવ્ય આભૂષણો અધ્યાત્મ રામાયણ, શ્રીમદ્વાલ્મીકી રામાયણ, શ્રી રામચરિમાસ અને અલવંદર સ્તોત્રના સંશોધન અને અભ્યાસ પછી અને તેમાં વર્ણવેલ શ્રી રામની શાસ્ત્ર આધારિત સુંદરતા અનુસાર બનાવવામાં આવ્યા છે.

તેમના કપાળ પર ભગવાનનું પરંપરાગત મંગલ-તિલક હીરા અને માણેકથી બનાવવામાં આવ્યું છે.

ભગવાનના કાનના આભૂષણો મુકુટ અથવા કિરાત જેવી જ ડિઝાઇનમાં બનાવવામાં આવ્યા છે, જેમાં મોરની આકૃતિઓ છે અને તે સોના, હીરા, માણેક અને નીલમણિથી પણ શણગારેલા છે.