Sonobuoy: દરિયામાં હવે ભારતનું કંઇજ નહીં બગાડી શકે ચીન-પાકિસ્તાન, ભારતીય સેના પાસે આવી રહ્યું આ ખાસ યંત્ર

Sonobuoy: અમેરિકા અને ભારત વચ્ચે લગભગ 422 કરોડ રૂપિયાની ડીલ પર હસ્તાક્ષર કરવામાં આવ્યા છે, જેના માટે અમેરિકા એડવાન્સ ટેક્નોલોજી સાથે એન્ટી સબમરીન વૉરફેર સોનોબૉય પ્રદાન કરશે. તેની મદદથી દુશ્મન સબમરીનનું લૉકેશન જાણી શકાશે. અમેરિકાએ ભારતને સબમરીન વિરોધી યુદ્ધ સોનોબૉય આપવાના કરાર પર હસ્તાક્ષર કર્યા હતા.

અમેરિકાએ ભારતને સબમરીન વિરોધી યુદ્ધ સોનોબૉય આપવાનો સોદો કર્યો છે. Sonobuoys ટૂંક સમયમાં ભારતીય નૌકાદળમાં જોડાશે. આ ડીલથી ચીન અને પાકિસ્તાનને મોટો ઝટકો લાગી શકે છે.

ભારત અને અમેરિકા વચ્ચે લગભગ 442 કરોડ રૂપિયાની ડીલ થઈ છે. આ ડીલ હેઠળ અમેરિકા ભારતને NSSG, 53G હાઈ એલ્ટિટ્યૂડ એન્ટી સબમરીન વોરફેર સોનોબૉય પણ આપશે.

સોનોબૉય એ ખૂબ જ વિશિષ્ટ અને અદ્યતન પ્રકારનું ઉપકરણ છે. આના દ્વારા સમુદ્રની નીચે કે તેની ઉપર ફરતા જહાજ અથવા સબમરીનને શોધી શકાય છે અને તેનું સ્થાન કે હિલચાલ જાણી શકાય છે.

હેલિકોપ્ટર, સી ગાર્ડિયન અથવા ડ્રૉનની મદદથી સોનોબૉયને પાણીની અંદર છોડવામાં આવે છે. તેને પેરાશૂટ દ્વારા દરિયામાં છોડવામાં આવે છે.

તે સમુદ્રમાં પડતાની સાથે જ સોનોબૉયનો એક ભાગ પાણી પર તરતો રહે છે અને બીજો પાણીની નીચે થોડા મીટરની ઉંડાઈએ વાયર દ્વારા જોડાયેલું રહે છે.

સોનોબૉય રેડિયો સિગ્નલની જેમ કામ કરે છે. તે દુશ્મન જહાજ અથવા સબમરીનનો અવાજ શોધી શકે છે અને હેલિકોપ્ટર, સી ગાર્ડિયન ડ્રૉન અથવા કોઈપણ સિગ્નલ રીસીવર એરક્રાફ્ટને તેની હાજરી વિશે સંપૂર્ણ માહિતી આપી શકે છે.

આ સિવાય ભારત અને અમેરિકા વચ્ચે ખાસ પ્રકારના સોનોબૉયને લઈને પણ વાતચીત ચાલી રહી છે. આ ખાસ પ્રકારના સોનોબૉયમાં ઘણા ટેકનિકલ ફેરફારો છે, જેની ભારતે અમેરિકા પાસે માંગણી કરી છે.