Blue Ringed Octopus: પૃથ્વી પરનો સૌથી ખતરનાક અને વિચિત્ર જીવ, ફક્ત એક ટિપાથી માણસનો જતો રહે છે જીવ

Blue Ringed Octopus: પૃથ્વી પર અનેક પ્રકારના જીવો વસે છે. દુનિયાભરમાં જીવોની લાખો અને કરોડો પ્રજાતિઓ જોવા મળે છે. દરેક જીવની પોતાની ખાસિયત હોય છે જેના માટે તે જાણીતું છે પરંતુ આજે અમે તમને એક એવા દરિયાઈ જીવ વિશે જણાવીશું જેના કરડવાથી માણસનું મૃત્યુ થઈ શકે છે.

દરિયામાં અનેક પ્રકારની માછલીઓ અને જીવો જોવા મળે છે. પરંતુ આજે અમે તમને એક એવા જીવ વિશે જણાવવા જઈ રહ્યા છીએ જે દેખાવમાં જેટલો સુંદર છે તેટલો જ ઝેરી પણ છે.

દરિયામાં જોવા મળતા આ જીવનું ઝેર સાયનાઈડ કરતા અનેકગણું ખતરનાક છે. જો આ પ્રાણી કોઈ વ્યક્તિને કરડે તો તે વ્યક્તિનું મૃત્યુ થોડીક સેકન્ડોમાં થઈ શકે છે.

તમને જણાવી દઈએ કે આ જીવનું નામ બ્લૂ રીંગ્ડ ઓક્ટૉપસ (Blue Ringed Octopus) છે. તે દરિયામાં જોવા મળે છે. તે ખૂબ જ ખતરનાક અને ઝેરી માનવામાં આવે છે. તેની રચના વાદળી વર્તુળ જેવી છે. ટેટ્રોડોટોક્સિન વાદળી રીંગવાળા ઓક્ટૉપસમાં જોવા મળે છે. તે ન્યૂરોટૉક્સિન છે, જે સાયનાઇડ કરતાં હજાર ગણું વધુ શક્તિશાળી છે.

મળતી માહિતી મુજબ, આ ઝેરી વાદળી રંગના બ્લૂ રીંગ્ડ ઓક્ટૉપસ તાસ્માનિયા સહિત સમગ્ર ઓસ્ટ્રેલિયામાં જોવા મળે છે. સંશોધન મુજબ, આ ઓક્ટોપસના ઝેરથી 30 સેકન્ડમાં વ્યક્તિનું મૃત્યુ થઈ શકે છે. તે જ સમયે, તેના ઝેરના એક ટિપાથી લગભગ 20 લોકો મરી શકે છે.

સૌથી મહત્વની વાત એ છે કે આ બ્લૂ રીંગ્ડ ઓક્ટૉપસ દ્વારા કરડવાથી લોકોને કોઈ દુખાવો થતો નથી. આ જ કારણ છે કે લોકોને ખબર નથી પડતી કે તેમને ક્યારે આ ખતરનાક જીવ કરડ્યો છે. જો કે, ઓક્ટૉપસનું આયુષ્ય બહુ લાંબુ હોતું નથી. અહેવાલો અનુસાર, આ ઝેરી બ્લૂ રીંગ્ડ ઓક્ટૉપસનું આયુષ્ય માત્ર થોડા મહિના છે.