Delhi Weather: વરસાદ આવ્યો, આફત લાવ્યો.. 10 તસવીરોમાં જુઓ દિલ્હીની હાલત

જો કે વરસાદના કારણે તાપમાનમાં ઘટાડો થયો છે, પરંતુ લોકોની મુશ્કેલીઓમાં વધારો થયો છે. સ્થિતિ એવી છે કે દિલ્હીમાં જ્યાં જુઓ ત્યાં પાણી જ દેખાય છે.

દિલ્હીમાં ભારે વરસાદ થઈ રહ્યો છે અને તે એવી રીતે થઈ રહ્યો છે કે છેલ્લા 41 વર્ષનો રેકોર્ડ તૂટી ગયો છે.

રવિવારે સવારે 8:30 વાગ્યા સુધી દેશની રાજધાની દિલ્હીમાં છેલ્લા 24 કલાકમાં 153 મીમી વરસાદ નોંધાયો છે.

ભારતીય હવામાન વિભાગના જણાવ્યા અનુસાર જુલાઈ 1982 પછી એક દિવસમાં વરસાદનો આ સૌથી મોટો આંકડો છે.

હવામાન વિભાગના આંકડા મુજબ અગાઉ વર્ષ 2003માં 10 જુલાઈના રોજ 133.4 મીમી વરસાદ નોંધાયો હતો.

રસ્તાઓ અને કોલોનીઓમાં પાણી ભરાઈ જવાથી લોકોની મુશ્કેલી વધી છે. આ મુશ્કેલી વધુ વધશે, કારણ કે હવામાન વિભાગે દિલ્હીમાં વરસાદને લઈને યલો એલર્ટ જાહેર કર્યું છે.