New Parliament Building: નવા સંસદમાં સેંગોલની સ્થાપના, કર્મયોગીઓનું સન્માન, તસવીરોમાં જુઓ નવા સંસદ ભવનના ઉદ્ધાટનનો કાર્યક્રમ

Parliament Building Inauguration: દેશને નવી સંસદ મળી છે. વડાપ્રધાન નરેન્દ્ર મોદીએ તેનું ઉદ્ઘાટન કર્યું છે. આ દરમિયાન તેમની સાથે લોકસભા સ્પીકર ઓમ બિરલા પણ હાજર હતા.

સંસદ ભવનના ઉદ્ઘાટન પહેલા વડાપ્રધાન નરેન્દ્ર મોદીએ નવા સંસદભવનમાં મહાત્મા ગાંધીને પુષ્પાંજલિ અર્પણ કરી હતી.

ઉદ્ધાટન સમારોહની શરૂઆત હવન અને પૂજાથી કરવામાં આવી હતી. આ દરમિયાન પીએમ મોદી સાથે ઓમ બિરલા પણ હવન-પૂજામાં બેઠા હતા. તમિલનાડુના સંતોના મંત્રોચ્ચાર સાથે હવનની પૂજા વિધિ સંપન્ન થઈ હતી.

પૂજા કાર્યક્રમ બાદ 18 મઠોના મઠાધિપતિઓએ વડાપ્રધાન મોદીને આશીર્વાદ આપ્યા અને સેંગોલ સોંપ્યું હતું. આ પછી પીએમ મોદીએ સેંગોલને પ્રણામ કર્યા અને સંસદ ભવનમાં સ્થાપિત કર્યું હતું.

તમામ કાર્યક્રમમાં વડાપ્રધાન નરેન્દ્ર મોદીની સાથે લોકસભા સ્પીકર ઓમ બિરલા પણ હાજર રહ્યા હતા. નવી સંસદમાં સેંગોલની સ્થાપના બાદ પીએમ મોદીએ તમિલનાડુના સંતોને વંદન કર્યા હતા.

આ પછી પીએમ મોદીએ નવા સંસદ ભવનનું ઉદ્ઘાટન કર્યું.

નવા સંસદ ભવનનું ઉદ્ઘાટન કર્યા બાદ પીએમ મોદીએ ઈમારતના નિર્માણ કાર્યમાં કામ કરી રહેલા કામદારોને સન્માનિત કર્યા હતા.

પીએમ મોદી લોકસભાના સ્પીકર ઓમ બિરલા અને કેબિનેટ મંત્રીઓ સાથે નવા સંસદ ભવનમાં આયોજિત 'સર્વ-ધર્મ' પ્રાર્થના સમારોહમાં પહોંચ્યા હતા.

'સર્વ-ધર્મ' પ્રાર્થનામાં વિવિધ ધર્મોના વિદ્વાનોએ તેમના ધર્મની પૂજા કરી હતી. આ દરમિયાન વડાપ્રધાન મોદી, લોકસભા સ્પીકર ઓમ બિરલા અને કેન્દ્રીય કેબિનેટના અન્ય નેતાઓ હાજર રહ્યા હતા.