Independence Day 2023: સ્વાતંત્ર્ય દિવસ સમારોહ પહેલા લાલ કિલ્લા પર સશસ્ત્ર દળોએ કર્યુ ફૂલ ડ્રેસ રિહર્સલ, જોઇ લો તસવીરો......

Independence Day 2023: સ્વાતંત્ર્ય પર્વને હવે માત્ર બે જ દિવસ બાકી રહ્યાં છે ત્યારે આ પ્રસંગની તૈયારીઓ પુરજોશમાં શરૂ કરી દેવામાં આવી છે. આ રાષ્ટ્રીય પર્વને લઇને આજે રવિવારે સ્વતંત્રતા દિવસની ઉજવણી માટે રાષ્ટ્રીય રાજધાની દિલ્હીના લાલ કિલ્લા પર વિવિધ સશસ્ત્ર દળોનું ફુલ ડ્રેસ રિહર્સલ ચાલી રહ્યું છે.

ઉલ્લેખનીય છે કે, દેશ મંગળવારે પોતાનો 77મો સ્વતંત્રતા દિવસ ઉજવશે, અને આ અવસર પર વડાપ્રધાન નરેન્દ્ર મોદી ઐતિહાસિક લાલ કિલ્લાની પ્રાચીર પરથી રાષ્ટ્રને સંબોધિત કરશે.

વડાપ્રધાન નરેન્દ્ર મોદીએ તાજેતરમાં તેમના 'મન કી બાત' પ્રસારણ દરમિયાન 'મેરી માટી મેરા દેશ' અભિયાનની જાહેરાત કરી હતી. આ અભિયાનનો ઉદ્દેશ્ય બહાદુર સ્વાતંત્ર્ય સેનાનીઓ અને દેશ માટે બલિદાન આપનારા બહાદુરોનું સન્માન કરવાનો છે.

પીએમ મોદીએ કહ્યું હતું કે, આ અંતર્ગત આપણા અમર શહીદોની યાદમાં દેશભરમાં અનેક કાર્યક્રમોનું આયોજન કરવામાં આવશે. આ હસ્તીઓની યાદમાં દેશભરની લાખો ગ્રામ પંચાયતોમાં વિશેષ શિલાલેખ પણ લગાવવામાં આવશે. 'અમૃત કલશ યાત્રા' થશે. દેશભરમાં પણ આયોજન કરવામાં આવશે. જશે. આ ઉપરાંત પીએમ મોદીએ શુક્રવારે ભારતના લોકોને આ વર્ષે 13 થી 15 ઓગસ્ટ સુધી ચાલનારા 'હર ઘર તિરંગા' ચળવળમાં ભાગ લેવા વિનંતી કરી હતી.

પીએમ મોદીએ કહ્યું કે, ભારતીય ધ્વજ સ્વતંત્રતા અને રાષ્ટ્રીય એકતાની ભાવનાનું પ્રતિક છે અને લોકોને 'હર ઘર તિરંગા' વેબસાઈટ પર તિરંગા સાથેની તેમની તસવીરો અપલોડ કરવા વિનંતી કરી.

આ દરમિયાન, 15મીએ લાલ કિલ્લા પર આયોજિત સમારોહમાં દેશભરમાંથી લગભગ 1,800 વિશેષ અતિથિઓ હાજરી આપશે.

પ્રથમ સ્વતંત્રતા દિવસે વિદ્યાર્થીઓ જમીન પર બેસીને વડાપ્રધાનનું ભાષણ સાંભળતા હતા. આ વખતે તેઓ ખુરશીઓ પર બેસશે. તે પણ કોઈ ખૂણામાં નહીં, પરંતુ વડાપ્રધાનની સામે જ જ્યાંથી તેઓ ભાષણ આપશે. અહીં એક હજારથી વધુ વિદ્યાર્થીઓ માટે બેઠક વ્યવસ્થા કરવામાં આવી છે. પોલીસ સૂત્રોના જણાવ્યા અનુસાર આ વખતે લગભગ 20 હજાર મુલાકાતીઓ લાલ કિલ્લા પર આવશે.

'હર ઘર તિરંગા'