Train Rules: ટ્રેનના ઉપડવાના 10 મિનીટ બાદ સુધી સીટ પર ના પહોંચ્યા તો ટિકીટ થઇ જશે કેન્સલ ? શું છે નિયમ

Train Rules: ભારતીય રેલવેમાં તો તમામ લોકોએ સફર કરી જ હશે, પરંતુ રેલવેના કેટલાય નિયમો એવાં છે જેના વિશે કોઇને ખબર નથી, અથવા તો કેટલાક નિયમો લોકોને ખોટી રીતે ખબર છે. જો તમે ટ્રેનમાં તમારા બૉર્ડિંગ સ્ટેશનથી 10 મિનિટ પછી સીટ પર ના બેસો તો તમારી ટિકીટ કેન્સલ થઈ શકે છે.

જો તમે હવે તમારી ટ્રેનમાં રિઝર્વ સીટ પર મોડા પહોંચો છો, તો તમારા માટે મુશ્કેલ થઈ શકે છે. ખરેખર હવે TTE તમારી હાજરી નોંધાવવા માટે માત્ર 10 મિનિટ રાહ જોશે.

અગાઉ, એક કે બે સ્ટેશન પછી પણ મુસાફરો સીટ સુધી પહોંચતા હતા, ત્યારે પણ TTE તેમની હાજરી નોંધી દેતા હતા, પરંતુ હવે એવું થશે નહીં. TTE પેસેન્જરે માત્ર 10 મિનિટનો સમય આપવો પડશે.

હવે ચેકિંગ સ્ટાફ હેન્ડ હેલ્ડ ટર્મિનલ દ્વારા ટિકિટ ચેક કરે છે અને તેમાં પેસેન્જરના આગમન કે ગેરહાજરી વિશે માહિતી આપવાની હોય છે. અગાઉ આ સિસ્ટમ કાગળ પર રહેતી હતી, જેમાં TTE આગલા સ્ટેશન સુધી રાહ જોતો હતો.

રેલ્વે ટિકિટ ચેકિંગ સ્ટાફ ઓર્ગેનાઈઝેશનના એક અધિકારીને ટાંકીને એક દૈનિક અખબારમાં લખવામાં આવ્યું છે કે હવે કોઈને તે સ્ટેશન પર જ ટ્રેનમાં ચઢવું પડશે જ્યાંથી કોઈએ મુસાફરી કરવી પડશે.

જો બૉર્ડિંગ સ્ટેશનની 10 મિનિટ પછી પણ કોઈ વ્યક્તિ સીટ પર નહીં મળે તો ગેરહાજરી નોંધવામાં આવશે. એ અલગ વાત છે કે જ્યારે ભીડ હોય ત્યારે TTEને તમારી સીટ પર આવવામાં સમય લાગે છે. આવામાં ધ્યાનમાં રાખો કે જ્યાં સીટ છે, ત્યાં સમયસર પહોંચવું પડશે.