Surekha Yadav: એશિયાની પ્રથમ મહિલા લોકો પાયલટ સુરેખા યાદવે ફરી ઇતિહાસ રચ્યો, વંદે ભારત એક્સપ્રેસ પાટા પર દોડાવી

આ સાથે તે વંદે ભારત એક્સપ્રેસ ટ્રેન ચલાવનારી પ્રથમ મહિલા લોકો પાયલટ પણ બની ગઈ છે.

સુરેખા યાદવનું છત્રપતિ શિવાજી મહારાજ ટર્મિનસના પ્લેટફોર્મ નંબર 8 પર સન્માન કરવામાં આવ્યું હતું.

મહારાષ્ટ્રના સતારાની રહેવાસી સુરેખા યાદવ વર્ષ 1988માં માત્ર ભારતમાં જ નહીં પરંતુ એશિયામાં પણ પ્રથમ મહિલા ટ્રેન ડ્રાઈવર બની હતી.

હાલમાં ભારતમાં 10 વંદે ભારત ટ્રેનો દોડી રહી છે. તેની ઉત્તમ સુવિધાઓ અને ઝડપી ગતિના કારણે આ ટ્રેન ખૂબ જ ઓછા સમયમાં લોકપ્રિય બની ગઈ છે.

દેશની પ્રથમ વંદે ભારત ટ્રેન નવી દિલ્હી અને વારાણસી વચ્ચે દોડી હતી. આ ટ્રેન ફેબ્રુઆરી 2019માં ચલાવવામાં આવી હતી. આ ટ્રેનમાં ઓટોમેટિક ગેટ, એસી કોચ, ઓનબોર્ડ વાઈ-ફાઈ જેવી ઘણી સુવિધાઓ છે.