Anant Radhika Wedding: દીકરી રાહા અને પત્ની આલિયા સાથે અનંત-રાધિકાના પ્રી-વેડિંગ ફંક્શનમાં પહોંચ્યો રણબીર કપૂર

Anant Radhika : મુકેશ અને નીતા અંબાણીના નાના પુત્ર અનંત અંબાણીના પ્રિ-વેડિંગ ફંક્શનનું જામનગરમાં આયોજન થવા જઈ રહ્યું છે. આ ફંક્શન એકથી ત્રણ માર્ચ દરમિયાન થશે. જેના માટે બોલિવૂડની અનેક હસ્તીઓ ત્યાં પહોંચી છે.

સલમાન ખાન, અર્જુન કપૂર અને બીજી ઘણી હસ્તીઓ બાદ હવે રણબીર કપૂર પણ પરિવાર સાથે જામનગર પહોંચી ગયો છે. તાજેતરમાં જ કપૂર એરપોર્ટ પર જોવા મળ્યા હતા.

રણબીર કપૂર તેના સમગ્ર પરિવાર એટલે કે માતા નીતુ કપૂર, પત્ની આલિયા ભટ્ટ અને નાનકડી રાહા કપૂર સાથે જામનગર જવા રવાના થયો હતો.

આ દરમિયાન પાપારાઝીઓએ અભિનેતાને પોતાના કેમેરામાં કેદ કરી લીધો હતો. હંમેશાની જેમ રણબીર કપૂર એરપોર્ટ પર ડેશિંગ દેખાતો હતો.

અભિનેતાએ સફેદ ટી-શર્ટ સાથે વાદળી જેકેટ પહેર્યું હતું. રણબીર કપૂરે તેમને પોઝ પણ આપ્યા હતા

અભિનેતાની પત્ની અને અભિનેત્રી આલિયા એરપોર્ટ પર જોવા મળી હતી. જોકે, આ વખતે રણબીર અને આલિયાએ પાપારાઝીને રાહાની ઝલક દેખાડી ન હતી.અભિનેતાની માતા અને અભિનેત્રી નીતુ કપૂર પણ તેમની સાથે જામનગર પહોંચ્યા છે.