Nehru Museum Renamed:મોટેરા સ્ટેડિયમ બાદ હવે આ મ્યુઝિયમનું પણ થયું નામકરણ, મોદી સરકારના રાજમાં આ સંસ્થાનના બદલાયા નામ

નેહરુ મેમોરિયલ મ્યુઝિયમનું નામ બદલ્યા બાદ તે જગ્યાઓ અને યોજનાઓના નામ પર ફરી એકવાર ચર્ચામાં છે, જેને મોદી સરકારના 9 વર્ષના કાર્યકાળમાં બદલવામાં આવ્યા છે.

વડા પ્રધાન નરેન્દ્ર મોદીની આગેવાની હેઠળની કેન્દ્ર સરકારે શુક્રવારે (16 જૂન) દિલ્હીના તીન મૂર્તિ ભવન સંકુલમાં સ્થિત નેહરુ મેમોરિયલ મ્યુઝિયમ અને લાઇબ્રેરી સોસાયટીનું નામ બદલી નાખ્યું. હવે તેનું નામ બદલીને 'પ્રધાનમંત્રી સંગ્રહાલય અથવા પુસ્તકાલય સોસાયટી' કરવામાં આવ્યું છે.

28 જાન્યુઆરી 2023ના રોજ, ભારત સરકારે રાષ્ટ્રપતિ ભવન સ્થિત 'મુગલ ગાર્ડન'નું નામ બદલીને 'અમૃત ઉદ્યાન' કર્યું. બગીચામાં ગુલાબ, ટ્યૂલિપ્સ અને મોસમી ફૂલોની ઘણી જાતો તેને ભવ્ય દેખાવ આપે છે. તે દર વસંતમાં જાહેર જનતા માટે ખોલવામાં આવે છે.

8 સપ્ટેમ્બર 2022 ના રોજ, દિલ્હીના રાજપથનું નામ બદલીને કર્તવ્ય પથ રાખવામાં આવ્યું. જેનું ઉદ્ઘાટન વડાપ્રધાન નરેન્દ્ર મોદીએ કર્યું હતું. તે રાયસીના હિલ પરના રાષ્ટ્રપતિ ભવનથી વિજય ચોક, ઈન્ડિયા ગેટ અને નેશનલ વોર મેમોરિયલ થઈને નેશનલ સ્ટેડિયમ સુધી જાય છે. દર વર્ષે ગણતંત્ર દિવસની પરેડ આ માર્ગ પરથી પસાર થાય છે. ભારતમાં બ્રિટિશ શાસન દરમિયાન તે કિંગ્સવે તરીકે જાણીતું હતું.

2015માં દિલ્હીમાં રેસકોર્સ રોડનું નામ બદલીને લોક કલ્યાણ માર્ગ રાખવામાં આવ્યું હતું. આ રોડ પર વડાપ્રધાનનું નિવાસસ્થાન છે. તે જ વર્ષે ઔરંગઝેબ રોડનું નામ બદલીને એપીજે અબ્દુલ કલામ માર્ગ કરવામાં આવ્યું. 2017માં ડેલહાઉસી રોડનું નામ બદલીને દારા શિકોહ માર્ગ કરવામાં આવ્યું હતું.

દિવંગત પૂર્વ કેન્દ્રીય મંત્રી અરુણ જેટલીની યાદમાં દિલ્હીના ફિરોઝશાહ કોટલા ક્રિકેટ સ્ટેડિયમનું નામ બદલવામાં આવ્યું. 12 સપ્ટેમ્બર 2019 ના રોજ, તેનું નામ બદલીને અરુણ જેટલી સ્ટેડિયમ કરવામાં આવ્યું. ભૂતપૂર્વ નાણામંત્રીનું 24 ઓગસ્ટ 2019ના રોજ અવસાન થયું હતું. DDCA એ સ્ટેડિયમનું નામ બદલી નાખ્યું હતું.

જાન્યુઆરી 2019 માં, ઉત્તર પ્રદેશના અલ્હાબાદનું નામ બદલીને પ્રયાગરાજ કરવામાં આવ્યું હતું. પહેલા તેનું નામ પ્રયાગરાજ હતું પરંતુ મુઘલ શાસક અકબરના શાસનકાળ દરમિયાન તેનું નામ અલ્હાબાદ રાખવામાં આવ્યું હતું. પ્રયાગરાજ એ ત્રણ નદીઓ ગંગા, યમુના અને સરસ્વતીનું પવિત્ર સંગમ સ્થાન છે જ્યાં કુંભ મેળા અને અન્ય પ્રસંગો દરમિયાન મોટી સંખ્યામાં ભક્તો પહોંચે છે.

જ્યારે ઉત્તર પ્રદેશની યોગી આદિત્યનાથ સરકારે 2018માં અલ્હાબાદનું નામ બદલવાનો નિર્ણય લીધો હતો, ફૈઝાબાદ જિલ્લાનું નામ બદલીને અયોધ્યા કરવાનો નિર્ણય લેવામાં આવ્યો હતો. અયોધ્યા શ્રી રામનું જન્મસ્થળ છે, જ્યાં તેમનું ભવ્ય મંદિર બનાવવામાં આવી રહ્યું છે.

5 ઓગસ્ટ 2018 ના રોજ, ઉત્તર પ્રદેશના મુગલસરાય જંક્શનનું નામ બદલીને 'પંડિત દીન દયાલ ઉપાધ્યાય જંક્શન' રાખવામાં આવ્યું. તેમજ મુગલસરાય શહેરનું નામ બદલીને પંડિત દીન દયાલ ઉપાધ્યાય નગર કરવામાં આવ્યું હતું.

12 એપ્રિલ 2016 ના રોજ, હરિયાણાના ગુડગાંવ શહેરનું નામ બદલીને ગુરુગ્રામ કરવામાં આવ્યું.

7 ફેબ્રુઆરી 2022 ના રોજ, મધ્ય પ્રદેશના હોશંગાબાદ જિલ્લાનું નામ બદલીને નર્મદાપુરમ કરવામાં આવ્યું. તો તેમાં જ આવતા બાબાઈનું નામ બદલીને માખણ નગર કરવામાં આવ્યું હતું. માખણ નગરનું નામ મહાન કવિ માખણ લાલ ચતુર્વેદીના નામ પરથી રાખવામાં આવ્યું હતું.

2017માં કેન્દ્ર સરકાર દ્વારા ઈંગ્લેન્ડની ઓક્સફોર્ડ યુનિવર્સિટીમાં પૂર્વ વડાપ્રધાન ઈન્દિરા ગાંધીના નામ પર આધારિત 'ઇન્દિરા ગાંધી સેન્ટર ઓફ સસ્ટેનેબલ ડેવલપમેન્ટ'નું નામ બદલવામાં આવ્યું હતું. તેને બદલીને 'ઓક્સફર્ડ ઇન્ડિયા સેન્ટર ફોર સસ્ટેનેબલ ડેવલપમેન્ટ' કરવામાં આવ્યું હતું.

6 ઓગસ્ટ 2021ના રોજ રાજીવ ગાંધી ખેલ રત્ન પુરસ્કારનું નામ બદલીને મેજર ધ્યાનચંદ ખેલ રત્ન રાખવામાં આવ્યું.

વિશ્વના સૌથી મોટા ક્રિકેટ સ્ટેડિયમ મોટેરા સરદાર પટેલ સ્ટેડિયમ નું નામ બદલીને નરેન્દ્ર મોદી સ્ટેડિયમ કરવામાં આવ્યું હતું