ગીર સોમનાથમાં સરકારી અનાજ બારોબાર વેચી મારવાનું કૌભાંડ; ઘઉં, ચોખા અને ચણાનો જથ્થો ઝડપાયો

સુત્રાપાડા તાલુકાના પ્રાચી નજીક આવેલ ટીંબડી ગામે ગેરકાયદે 50 કિલોનો અનાજનો જથ્થો ઝડપાયો છે.

વેરાવળ ડેપ્યુટી ક્લેક્ટરની ટીમે બાતમીના આધારે ભાગ્યલક્ષ્મી સિડ્સ નામના ગેરકાયદે ચાલતા કારખાના પર દરોડા પાડ્યા હતા.

આ દરોડામાં 643 કટા એટલે કે 50 કિલોના બાચકા સરકારી માર્કા અને સરકારી સિલાય વાળા ઘઉં, ચોખા અને ચણાનો જથ્થો ઝડપાયો છે. સાથે જ કારખાનાનો સંચાલક પણ સ્થળ પરથી મળી આવ્યો હતો.

આ સરકારી અનાજના ગોડાઉનમાંથી સીધો બારોબાર જથ્થો સગેવગે હોવાની આશંકા છે. જેથી તમામ જથ્થો સીઝ કરવામાં આવ્યો છે અને સમગ્ર મામલે વધુ તપાસ શરૂ કરવામાં આવી છે.