PM Modi US Visit: મોદીનું અમેરિકામાં ભવ્ય સ્વાગત, ભારતની જેમ જ ઝલક મેળવવા લોકોએ લગાવી લાઈન, જુઓ તસવીરો

PM Modi US Visit: વડાપ્રધાન નરેન્દ્ર મોદી અમેરિકાની ત્રણ દિવસની મુલાકાત માટે વોશિંગ્ટન પહોંચ્યા છે. વરસતાં વરસાદમાં પણ ભારતીયો મોદીને આવકારવા મોટી સંખ્યામાં એરપોર્ટ પર ઉમટી પડ્યા હતા.

મોદી પણ ભારતીયોને મળ્યા હતા. મોદીએ ટ્વીટ કરીને કહ્યું, ઉષ્માભેર સ્વાગત માટે ભારતીય સમુદાયનો આભારી છું.

મોદીએ ટ્વીટમાં એમ પણ લખ્યું કે, આપણા પ્રવાસી જ આપણી તાકાત છે. પ્રવાસી ભારતીયોએ વિશ્વભરમાં જે રીતે પોતાની ઓળખ બનાવી છે તે પ્રશંસાને પાત્ર છે.

વિદેશ મંત્રાલયના પ્રવક્તા અરિંદમ બાગચીએ ટ્વીટ કરીને કહ્યું, પોતાના દેશના રાષ્ટ્રધ્વજને ભારત બહાર બીજા દેશમાં લહેરાતો જોવો હંમેશા ગર્વની વાત છે.

પીએમ મોદી એરપોર્ટ ઉતર્યા બાદ હોટલમાં પહોંચ્યા ત્યારે ત્યાં પણ તેમનું ભવ્ય સ્વાગત કરવામાં આવ્યું હતું.

તમામ તસવીર સૌજન્યઃ એએનઆઈ ટ્વીટર