Bangladesh: ફટાફટ પેકિંગ કરી કલાકમાં છોડ્યું PM હાઉસ, બાંગ્લાદેશથી બે સૂટકેસમાં શું લઇને આવ્યા શેખ હસીના
Bangladesh Government Crisis: અવામી લીગના નેતા શેખ હસીના રાષ્ટ્રને સંબોધિત કરવા માંગતા હતા, પરંતુ સ્થિતિ એટલી ખરાબ થઈ ગઈ હતી કે ભારતના પાડોશી દેશ બાંગ્લાદેશમાં મોટા પાયે સરકાર વિરોધી દેખાવો થયા પછી અવામી લીગના શેખ હસીના (76) એ માત્ર વડાપ્રધાન પદ પરથી રાજીનામું આપવું પડ્યું ન હતું પણ દેશ છોડવો પડ્યો હતો.
Download ABP Live App and Watch All Latest Videos
View In Appસોમવારે સવારે જ્યારે બાંગ્લાદેશમાં સ્થિતિ વણસી ત્યારે આર્મી ચીફ વકાર-ઉઝ-ઝમાને શેખ હસીનાને ફોન કર્યો હતો.
આર્મી ચીફે 76 વર્ષીય નેતાને કોલ પર માહિતી આપી હતી કે હાલમાં દેશની સ્થિતિ ખૂબ જ નાજુક છે.
બાદમાં જ્યારે વકાર-ઉઝ-ઝમાન વડા પ્રધાનના નિવાસસ્થાને પહોંચ્યા ત્યારે શેખ હસીનાએ તેમનું રાજીનામું તેમને સોંપ્યું હતું.
વકાર-ઉઝ-ઝમાન શેખ હસીનાના પિતરાઈ ભાઈના જમાઈ છે. તેમણે જ તેમને રાજીનામું આપવા માટે રાજી કર્યા હતા.
પદ પરથી રાજીનામું આપ્યા બાદ શેખ હસીના રાષ્ટ્રને સંબોધન કરવા માંગતા હતા પરંતુ આર્મી ચીફે તેમને આમ કરતા રોક્યા હતા.
આર્મી ચીફે સલાહ આપી કે જો શેખ હસીના રાષ્ટ્રને સંબોધન કરશે તો યુવાનો અને વિરોધીઓ ગુસ્સે થઈ જશે.
આ પછી શેખ હસીનાએ બપોરે 1.30 વાગ્યે વસ્તુઓ (કપડા અને અન્ય આવશ્યક ચીજવસ્તુઓ વગેરે) સાથે બે સૂટકેસ ભરીને સરકારી નિવાસસ્થાન છોડી દીધું હતું.
અહેવાલ છે કે બપોરે 1.45 વાગ્યે તે એરફોર્સના હેલિકોપ્ટરમાં બેસી ઢાકાથી રવાના થઇ હતી.