IN PICS: આ તોફાની ઓસ્ટ્રેલિયન બોલર મહિલા ક્રિકેટરના પ્રેમમાં 'ક્લીન બોલ્ડ' થયો, પ્રેક્ટિસથી શરૂ થઈ લવ સ્ટોરી

ઓસ્ટ્રેલિયાના ફાસ્ટ બોલર મિચેલ સ્ટાર્કે પોતાના ક્રિકેટ કરિયરમાં ઘણી મોટી સિદ્ધિઓ હાંસલ કરી છે. તેમનું અંગત જીવન પણ ખૂબ જ રસપ્રદ છે, ખાસ કરીને તેમની લવ સ્ટોરી.

મિચેલ સ્ટાર્કે ઓસ્ટ્રેલિયા મહિલા ક્રિકેટ ટીમની વિકેટકીપર એલિસા હીલી સાથે લગ્ન કર્યા છે. સ્ટાર્કે મહિલા ક્રિકેટરને પોતાની લાઈફ પાર્ટનર તરીકે પસંદ કરી, જેણે તેમની લવ સ્ટોરીને વધુ ખાસ બનાવી.

મિચેલ સ્ટાર્ક તેની પત્ની એલિસાને ખૂબ જ પ્રેમ કરે છે અને તે ઘણી વખત જાહેરમાં વ્યક્ત કરી ચૂક્યો છે. એકવાર તે તેની પત્નીની મેચ જોવા માટે ODI સિરીઝ અધવચ્ચે છોડી ગયો હતો.

વર્ષ 2020 માં, જ્યારે એલિસા હીલીની ટીમ મહિલા વર્લ્ડ કપની ફાઈનલ રમી રહી હતી, ત્યારે મિચેલ તેની ટીમ છોડીને તેને સમર્થન આપવાનું નક્કી કર્યું. તેના આ પગલા પછી, તેને સોશિયલ મીડિયા પર શ્રેષ્ઠ પતિ કહેવામાં આવ્યો.

મિચેલ સ્ટાર્ક અને એલિસા હીલીનો પ્રેમ બાળપણથી શરૂ થયો હતો. બંનેની પહેલી મુલાકાત સિડનીમાં નોર્ધન ડિસ્ટ્રિક્ટ ક્રિકેટ એસોસિએશનના ટ્રાયલ દરમિયાન થઈ હતી, જ્યાં એલિસા વિકેટકીપિંગની પ્રેક્ટિસ કરતી હતી.

દોસ્તીથી શરૂ થયેલી આ કહાની ધીમે-ધીમે પ્રેમમાં બદલાઈ ગઈ અને ઘણા વર્ષો સુધી ડેટિંગ કર્યા બાદ બંનેએ વર્ષ 2016માં લગ્ન કરી લીધા.