World Cup 2023ની મેચોની સૌથી મોંઘી ટિકીટ કેટલા રૂપિયાની છે ? જાણો રેટ....

Cricket World Cup Tickets: આવતીકાલથી ક્રિકેટનો સૌથી મોટો મહાકુંભ આઇસીસી ક્રિકેટ વનડે વર્લ્ડકપ શરૂ થઇ રહ્યો છે. આવતીકાલે પ્રથમ મેચ નરેન્દ્ર મોદી સ્ટેડિયમમાં ન્યૂઝીલેન્ડ અને ઇંગ્લેન્ડ વચ્ચે રમાશે. આ વખતે ક્રિકેટ વર્લ્ડકપ 2023નું યજમાન ભારત છે અને તેની મેચો ભારતના કેટલાય શહેરોમાં યોજાવવાની છે. શું તમે જાણો છો કે વર્લ્ડકપની ટિકિટો કેટલામાં વેચાઈ રહી છે ?

ભારતમાં યોજાનારા આ વર્લ્ડકપને કારણે ભારતીય ટીમની મેચોની ટિકીટની માંગ ખુબ વધારે છે, તેમાં પણ ભારત-પાકિસ્તાન મેચની ટિકિટની માંગ આસામાને પહોંચી છે. અન્ય દેશોમાં મેચો માટે ટિકિટના દર ઓછા છે અને કોઈપણ મુશ્કેલી વિના ઓનલાઈન પ્લેટફોર્મ પર ઉપલબ્ધ છે.

ટિકિટના દરની વાત કરીએ તો ટિકિટ 499 રૂપિયાથી 40 હજાર રૂપિયામાં વેચાઈ રહી છે. અન્ય દેશોની મેચોમાં સૌથી વધુ ટિકિટની કિંમત લગભગ 29 હજાર રૂપિયા છે. આ આંકડા ઓફિશિયલ ટિકિટ બુકિંગ પ્લેટફોર્મ અનુસાર છે.

ભારત-પાકિસ્તાન અને ફાઈનલ મેચની ટિકિટો વેચાઈ ગઈ છે અને ઓનલાઈન પ્લેટફોર્મ પરથી ખરીદવી મુશ્કેલ છે. આવી સ્થિતિમાં સેકન્ડરી માર્કેટમાં ટિકિટનું વેચાણ થઈ રહ્યું છે અને આ દર ઓફિશિયલ રેટ કરતા ઘણો વધારે છે.

કેટલાય લોકો અન્ય પ્લેટફોર્મ પર ટિકિટ વેચી રહ્યા છે અને કેટલાય ટિકિટના દર 50 લાખ રૂપિયાથી વધુ છે. મિન્ટના અહેવાલ મુજબ કેટલીક જગ્યાઓ પર 50 લાખ રૂપિયાથી વધુના દરે ટિકિટ વેચાઈ રહી છે. આમાં કેટલીક ટિકિટ 10 લાખ રૂપિયામાં તો કેટલીક 19 લાખ રૂપિયામાં વેચાઈ રહી છે.

જો તમે પણ વર્લ્ડકપની કોઈપણ મેચની ટિકિટ ખરીદવા માંગો છો, તો તમે બુક માય શૉ દ્વારા ટિકિટ ખરીદી શકો છો. આ ઉપરાંત જો તમે ઓફિશિયલ વેબસાઇટ પરથી ટિકિટ બુક કરો છો, તો પણ તમને આ પૃષ્ઠ પર જ નિર્દેશિત કરવામાં આવે છે.

આ ઉપરાંત લોકો પાસ વગેરે દ્વારા પ્રવેશ મેળવવાના પ્રયાસમાં વ્યસ્ત છે, પરંતુ ટિકિટ ન મળવાથી લોકો ભારે નારાજ છે.