Photos: વિમ્બલડન જોવા પહોંચ્યો રોહિત શર્મા, સૂટ અને કાળા ચશ્મામાં લૂંટી મહેફિલ

T20 વર્લ્ડ કપનો ખિતાબ જીત્યા બાદ રોહિત શર્મા થોડો સમય શાંતિ અને ખુશીમાં વિતાવી રહ્યો છે. રોહિત વિમ્બલ્ડન જોવા લંડન પહોંચ્યો હતો.

ભારતીય ક્રિકેટ ટીમના કેપ્ટને લંડનમાં વિમ્બલ્ડન મેન્સ સિંગલ્સની સેમિફાઇનલ મેચની મજા માણી હતી. રોહિત શર્મા પ્રથમ વખત સેમિફાઇનલ દરમિયાન જોવા મળ્યો હતો, જે કાર્લોસ અલ્કારાઝ અને ડેનિલ મેદવેદેવ વચ્ચે રમાઈ હતી.

વિમ્બલ્ડનમાં હિટમેનની અલગ સ્ટાઈલ જોવા મળી હતી. રોહિત શર્મા ટેનિસ મેચ જોવા માટે સૂટ અને ડાર્ક ચશ્મા પહેરીને પહોંચ્યો હતો.

રોહિતે પોતાની સ્ટાઈલથી બધાને દિવાના બનાવી દીધા હતા. રોહિત શર્માનું વિમ્બલ્ડનની ઓફિશિયલ સોશિયલ મીડિયા દ્વારા શેર કરવામાં આવેલી પોસ્ટમાં સ્વાગત કરવામાં આવ્યું હતું.

રોહિત શર્માની કેપ્ટન્સીમાં ટીમ ઈન્ડિયાએ 2024 T20 વર્લ્ડ કપનો ખિતાબ જીત્યો હતો. ભારતે ફાઇનલમાં દક્ષિણ આફ્રિકાને હરાવીને ટાઇટલ જીત્યું હતું.

નોંધનીય છે કે રોહિત શર્માએ T20 વર્લ્ડ કપ જીત્યા બાદ T20 ઇન્ટરનેશનલમાંથી નિવૃત્તિની જાહેરાત કરી હતી. રોહિત ઉપરાંત વિરાટ કોહલી અને રવીન્દ્ર જાડેજાએ પણ ફોર્મેટને અલવિદા કહ્યું હતું.